പൊതുവിദ്യാഭ്യാസരംഗംസക്രിയമാക്കണം - വിസ്ഡം

കൊയിലാണ്ടി: കേരളത്തിലെ പൊതുവിദ്യാഭ്യാസരംഗം വൈജ്ഞാനിക പദ്ധതികൾ കൊണ്ട് സക്രിയമാക്കണമെന്ന് കൊയിലാണ്ടി മുജാഹിദ് സെൻ്ററിൽ നടന്ന വിസ്ഡം ജില്ലാ മദ്റസാധ്യാപക പരിശീലനസംഗമം അഭിപ്രായപ്പെട്ടു. വിദ്യാലയങ്ങളിലെ ലഹരി ഉപയോഗം തടയാൻ പ്രത്യേകം കൗൺസലിംഗ്

സംവിധാനം ഏർപ്പെടുത്തണമെന്നും സംഗമം ആവശ്യപ്പെട്ടു.

ഏകദിന സംഗമം വിസ്ഡം ഇസ്‌ലാമിക് ഓർഗനൈസേഷൻ ജില്ലാ പ്രസിഡണ്ട് ടി.പി അബ്ദുൽ അസീസ് ഉദ്ഘാടനം ചെയ്തു. വിസ്ഡം ജില്ലാ വിദ്യാഭ്യാസ വകുപ്പ് കൺവീനർ കെ. അബ്ദുൽ നാസർ മദനി അധ്യക്ഷത വഹിച്ചു. സംസ്ഥാന വിദ്യാഭ്യാസ ബോർഡ് മെമ്പർമാരായ ഡോ. ഷിയാസ് സ്വലാഹി, മൗലവി ഹനീഫ വണ്ടൂർ ,വി.വി ബഷീർ മണിയൂർ വിവിധ സെഷനുകൾക്ക് നേതൃത്വം നൽകി.

ജില്ലാ മദ്റസ ഇൻസ്പെക്ട്ടർ ഒ റഫീഖ് മാസ്റ്റർ, വിസ്ഡം ജില്ലാ സെക്രട്ടറി കെ ജമാൽ മദനി പ്രസംഗിച്ചു. ജില്ലാ മദ്റസ കോംപ്ലക്സ് സെക്രട്ടറി സി.പി സജീർ സ്വാഗതവും ടി.പി നസീർ ചീക്കോന്ന് നന്ദിയും പറഞ്ഞു.