തേങ്ങയിടാൻ തെങ്ങിൽ കയറിയ ബംഗാൾ സ്വദേശി വൈദ്യുതി ലൈനിൽ നിന്ന് ഷോക്കേറ്റ് താഴെ വീണു. ഗുരുതര പരിക്ക്..

താമരശ്ശേരി :കോരങ്ങാട്  പറമ്പിൽ തെങ്ങിൽ കയറിയ ബംഗാൾ സ്വദേശി  ഷോക്കേറ്റ് താഴെവീണു. പൂനൂരിൽ താമസിക്കുന്ന ബംഗാൾ സ്വദേശി പാണ്ടയാണ് തെങ്ങിൽ നിന്ന് താഴെ വീണത്.  രാവിലെ  കോരങ്ങാട് അഷ്റഫിന്റെ വീട്ടു വളപ്പിലെ തെങ്ങിൽ തേങ്ങിയിടാൻ കയറിയതായിരുന്നു . വൈദ്യുത ലൈനിൽ തട്ടിനിൽക്കുന്ന തെങ്ങിൻ പട്ടയിൽ നിന്ന് ഷോക്കേറ്റ് താഴേക്ക്  വീഴുകയായിരുന്നുവെന്ന് നാട്ടുകാർ പറഞ്ഞു. പരുക്കേറ്റ പാണ്ടയെ താമരശ്ശേരി താലൂക്ക് ആശുപത്രിയിൽ പ്രഥമശുശ്രൂഷ    നൽകിയതിന് ശേഷം വിദഗ്ധ ചികിത്സയ്ക്കായി  കോഴിക്കോട് മെഡിക്കൽ കോളേജ് ആശുപത്രിയിൽ  പ്രവേശിപ്പിച്ചു.