ക്വാർട്ടേഴ്‌സിൽനിന്ന്‌ മയക്കുമരുന്നും ആധുധങ്ങളും പിടിച്ചു; അമ്മയും മകനും അറസ്‌റ്റിൽ
കണ്ണൂർ: ചാലാട്‌ മണലിലെ ക്വാർട്ടേഴ്‌സിൽനിന്ന്‌ എംഡിഎംഎയും വടിവാളും നഞ്ചക്കും കണ്ടെത്തി. രണ്ടുപേർ അറസ്‌റ്റിൽ. സി കെ സീനത്ത്‌, മകൻ ഷാഹിദിന്റെ സുഹൃത്ത്‌ ഷാഹിദ് അഫ്‌നാസ്‌ എന്നിവരാണ്‌ അറസ്‌റ്റിലായത്‌. കാപ്പാ കേസ് പ്രതിയായ റഹീമും കൂട്ടാളികളും മണലിലെ വീട്ടിൽ ഒളിച്ചുതാമസിക്കുന്നെന്ന വിവരത്തെത്തുടർന്നാണ്‌ പൊലീസ്‌ പരിശോധന നടത്തിയത്‌.
പരിശോധനയ്‌ക്കിടെ സീനത്തിന്റെ കൈയിൽനിന്ന്‌ 1.40 ഗ്രാം എംഡിഎംഎ പിടികൂടി. പരിശോധനാസമയത്ത് ക്വാർട്ടേഴ്സിന് സമീപം സ്കൂട്ടറിൽ എത്തിയ ഷാഹിദ് അഫ്‌നാസിൽനിന്ന്‌ നാലു ഗ്രാം കഞ്ചാവ്‌ പിടിച്ചു. കാപ്പാ കേസ് പ്രതി റഹീമിനെയും കൂട്ടാളികളെയും പിടികിട്ടിയില്ല. കണ്ണൂർ ടൗൺ എസ്ഐ വി വി ദീപ്തിയുടെ നേതൃത്വത്തിൽ എസ്ഐമാരായ അനുരൂപ്, വിനീത് എന്നിവരും സുജിത്ത്, മിനി, സൗമ്യ അഫസീർ, അഖിൽ, മഹേഷ്‌, സിസിൻ, പ്രബീഷ് എന്നിവരും ചേർന്നാണ്‌ പ്രതികളെ പിടികൂടിയത്‌.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്‍