പുതുപ്പാടി ഗവ.ഹൈസ്കൂളിൽ വിദ്യാർഥിക്ക് ക്രൂരമർദ്ദനം ,പരാതി

താമരശ്ശേരി:പുതുപ്പാടിയിൽ 14കാരനെ ക്രൂരമായി മർദ്ദിച്ചതായി പരാതി. പുതുപ്പാടി ഗവ.ഹൈസ്കൂളിലെ ഒൻപതാം ക്ലാസ് വിദ്യാർത്ഥിയായ അടിവാരം കളക്കുന്നുമ്മൽ ഷാജഹാൻ്റെ മകൻ അജിൽ ഷാൻ (14) നാണ് മർദ്ദനമേറ്റത് .അജിൽ ഷാൻ്റെ തലക്കും, കണ്ണിനും, ശരീരമാസകലവും പരുക്കുണ്ട്.

ഒൻപതാം ക്ലാസ് ദ്യാർഥിയെ പത്താം ക്ലാസ് വിദ്യാർഥികളും സംഘംചേർന്ന് മർദിച്ച തായാണ് പരാതി.

തലയ്ക്കും കണ്ണിനും സാരമായി പരിക്കേറ്റ വിദ്യാർഥിയെ താമരശ്ശേരി താലൂക്ക് ആശുപത്രി യിൽ പ്രവേശിപ്പിച്ചു.

പതിനഞ്ചോളം പേർ ചേർന്നാണ് തന്നെ മർദിച്ചതെന്നും നാലുപേരെ കണ്ടാല റിയാമെന്നും പരിക്കേറ്റ വിദ്യാർഥി പറഞ്ഞു. നാലു മാസം മുമ്പ് അടിവാരം പള്ളിയിൽ വെച്ച് അജിൽഷാൻ്റെ കൂട്ടുകാരുമായി വാക്കുതർക്കമുണ്ടായിരുന്നു, അതിൽപ്പെട്ട ഒരാളും മർദ്ദിച്ച സംഘത്തിൽ ഉണ്ടായിരുന്നു.

സംഭവത്തിൽ ജുവ നൈൽ ജസ്റ്റിസ് ബോർഡിന് താമരശ്ശേരി പോലീസ് റിപ്പോർട്ട് നൽകിയിട്ടുണ്ട്. അതേസമയം പരാതിയിൽ പറഞ്ഞ കുട്ടികളെ സ്കൂളിൽ നിന്നും 14 ദിവസത്തേക്ക് സസ്പെൻ്റ് ചെയ്യുകയും, കൂടുതൽ പേർക്ക് പങ്കുണ്ടെന്ന് തെളിഞ്ഞാൽ അവർക്കെതിരെയും നടപടി സ്വീകരിക്കുമെന്നു പ്രധാനാധ്യാപിക  ഈശ കോയ പറഞ്ഞു.