സംസ്ഥാനത്ത് സ്വർണവിലയിൽ വീണ്ടും വർധനവ്

കൊച്ചി: സംസ്ഥാനത്ത് സ്വർണവിലയിൽ വീണ്ടും വർധനവ്. ഇന്ന് പവന് 640 രൂപയാണ് കൂടിയത്. 95,072 രൂപയാണ് ഒരു പവന്റെ വില. ഇന്നലെ 94,920 രൂപയായിരുന്നു പവന്റെ വില. ​ഗ്രാമിന് 80 രൂപ കൂടി. 11,945 രൂപയാണ് വില. 24 കാരറ്റിന് പവന് 1,04,248 രൂപയും ​ഗ്രാമിന് 13,031 രൂപയുമാണ്. 18 കാരറ്റിന് പവന് 78,184 രൂപയും ​ഗ്രാമിന് 9,773 രൂപയുമാണ് വില.

ഡിസംബർ മൂന്നിന് രേഖപ്പെടുത്തിയ 95,760 രൂപയാണ് ഈ മാസത്തെ ഏറ്റവും ഉയർന്ന നിലവാരം. പിന്നീട് വില താഴുന്നതാണ് ദൃശ്യമായത്. എന്നാൽ വീണ്ടും ഉയരുന്നതും ആശങ്ക സൃഷ്ടിക്കുന്നു.

ഒക്ടോബറിലാണ് സ്വർണവില ചരിത്രത്തിലെ ഏറ്റവും ഉയർന്ന നിലയിലെത്തിയത്. ഒക്ടോബർ 17ന് പവൻവില 97,360 ലെത്തിയിരുന്നു. ഇതുവരെ രേഖപ്പെടുത്തിയ ഏറ്റവും ഉയർന്ന വിലയാണിത്. ഈ വർഷം ജനുവരിയിലാണ് സ്വർണവില ആദ്യമായി 60,000 കടന്നത്. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്‌ക്ക് ​ഗ്രാമിന് 207 രൂപയും കിലോ​ഗ്രാമിന് 2,07,000 രൂപയുമാണ് വില.