ഭാര്യയുടെ പ്രായപൂര്ത്തിയാകാത്ത സഹോദരിയെ പീഡിപ്പിച്ച കേസ്; കാക്കൂര് സ്വദേശിക്ക് മരണം വരെ ജീവപര്യന്തം തടവ്
പലതവണ പീഡനത്തിന് ഇരയാക്കിയ കുറ്റത്തിന് പോക്സോ വകുപ്പ് പ്രകാരം ഏഴു വര്ഷം വീതം കഠിന തടവും 50,000 രൂപ വീതം പിഴയും ഒടുക്കണം. സ്ത്രീത്വത്തെ അപമാനിച്ച കുറ്റത്തിന് ഒരുവര്ഷം കഠിന തടവും പെണ്കുട്ടിയെ ഭീഷണിപ്പെടുത്തിയതിന് രണ്ടുവര്ഷം കഠിന തടവും കോടതി വിധിച്ചിട്ടുണ്ട്. പിഴ ഒടുക്കാത്ത പക്ഷം രണ്ട് വര്ഷം വീതം കഠിന തടവും അനുഭവിക്കണം. ശിക്ഷ ഒന്നിച്ചനുഭവിച്ചാല് മതി. നഷ്ടപരിഹാര തുക പീഡനത്തിനിരയായ പെണ്കുട്ടിക്ക് നല്കാനും വിധിന്യായത്തില് പറയുന്നു. 16 സാക്ഷികളെ പ്രോസിക്യൂഷന് വിസ്തരിച്ചു. പതിനാല് തെളിവുകളും ഹാജരാക്കി.
ജോലി സ്ഥലത്ത് നിന്ന് അവധിക്ക് എത്തിയ പ്രതി 2018 ജൂലൈയില് പെണ്കുട്ടിയെ വീട്ടില് വച്ച് പീഡിപ്പിച്ചു. പീഡന ദൃശ്യം മൊബൈലില് പകര്ത്തുകയും ഇത് കാണിച്ച് ഭീഷണിപ്പെടുത്തി പിന്നീട് പലതവണ പെണ്കുട്ടിയെ ഇയാള് ബലാത്സംഗം ചെയ്തുവെന്നുമാണ് പ്രോസിക്യൂഷന് കേസ്. പ്രതിക്കെതിരെ സ്ത്രീധന പീഡനത്തിനും വധശ്രമത്തിനും ഭാര്യ നല്കിയ കേസ് മഞ്ചേരി അഡീഷണല് ജില്ലാ സെഷന്സ് കോടതി മുമ്പാകെയുണ്ട്. പ്രോസിക്യൂഷന് വേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. എ സോമസുന്ദരന് ഹാജരായി.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്