നവംബര്‍ ഒമ്പതിന് സംസ്ഥാനത്തെ 29 തദ്ദേശ വാര്‍ഡുകളില്‍ ഉപതെരഞ്ഞെടുപ്പ്; വോട്ടെണ്ണല്‍ 10ന്

തിരുവനന്തപുരം: 29 തദ്ദേശ വാര്‍ഡുകളില്‍ നവംബര്‍ ഒമ്പതിന് ഉപതെരഞ്ഞെടുപ്പ് നടത്തുമെന്ന് സംസ്ഥാന തെരഞ്ഞെടുപ്പ് കമ്മീഷണര്‍ എ ഷാജഹാന്‍. വിജ്ഞാപനം ഒക്ടോബര്‍ 14ന് പുറപ്പെടുവിക്കും. നാമനിര്‍ദേശ പത്രിക 21 വരെ സമര്‍പ്പിക്കാം. സൂക്ഷ്മപരിശോധന 22ന് വിവിധ കേന്ദ്രങ്ങളില്‍ നടത്തും.

നാമനിര്‍ദേശ പത്രിക ഒക്ടോബര്‍ 25വരെ പിന്ഡവലിക്കാം. വോട്ടെണ്ണല്‍ നവംബര്‍ 10ന് രാവിലെ 10ന് നടക്കും. മാതൃക പെരുമാറ്റച്ചട്ടം നിലവില്‍വന്നു. ബ്ലോക്ക്, ജില്ല പഞ്ചായത്ത് വാര്‍ഡുകളില്‍ ഉള്‍പ്പെട്ടുവരുന്ന പഞ്ചായത്ത് പ്രദേശത്ത് മുഴുവന്‍ പെരുമാറ്റച്ചട്ടം ബാധകമായിരിക്കും. മുനിസിപ്പാലിറ്റികളില്‍ ആ വാര്‍ഡില്‍ മാത്രവും ഗ്രാമപഞ്ചായത്തുകളില്‍ മുഴുവന്‍ വാര്‍ഡുകളിലുമാണ് അവ ബാധകം.

അന്തിമ വോട്ടര്‍പട്ടിക ഒക്‌ടോബര്‍ 10ന് പ്രസിദ്ധീകരിച്ചിട്ടുണ്ട്. കമീഷന്റെ www.lsgelection.kerala.gov.in സൈറ്റിലും ബന്ധപ്പെട്ട തദ്ദേശ സ്ഥാപനങ്ങളിലും അവ ലഭ്യമാണ്. പതിനൊന്ന് ജില്ലകളിലായി ഒരു ജില്ല പഞ്ചായത്ത്, അഞ്ച് ബ്ലോക്ക് പഞ്ചായത്ത്, മൂന്ന് മുനിസിപ്പാലിറ്റി, 20 ഗ്രാമപഞ്ചായത്ത് വാര്‍ഡുകളിലാണ് ഉപതെരഞ്ഞെടുപ്പ് നടത്തുന്നത്.

കോഴിക്കോട് – മേലടി ബ്ലോക്ക് പഞ്ചായത്തിലെ കീഴരിയൂർ, തുറയൂർ ഗ്രാമപഞ്ചായത്തിലെ പയ്യോളി അങ്ങാടി, മണിയൂർ ഗ്രാമപഞ്ചായത്തിലെ മണിയൂർ നോർത്ത്, കിഴക്കോത്ത് ഗ്രാമപഞ്ചായത്തിലെ എളേറ്റിൽ