ബസ് സ്കൂട്ടറിൽ ഇടിച്ച് ദമ്പതികൾക്ക് ദാരുണാന്ത്യം

കോഴിക്കോട്: ദേശീയ പാതയിൽ ബസ് സ്കൂട്ടറിൽ ഇടിച്ച് ദമ്പതികൾ തൽക്ഷണം മരിച്ചു. കക്കോടി കുഴക്കുമിറി ഷൈജു കെ.പി (ഗോപി - 43), ഭാര്യ ജീമ (38) എന്നിവർക്കാണ് ദാരുണാന്ത്യം.

കോഴിക്കോട് ഡി.ഡി ഓഫിലെ പ്യൂണാണ് ഷൈജു. ദേശീയ പാത ബൈപാസിൽ വേങ്ങേരിക്കും മലാപ്പറമ്പിനും ഇടയിലാണ് സംഭവം.

ഷൈജുവിന് ചികിത്സാവശ്യാർഥം ആശുപത്രിലേക്ക് പുറപ്പെട്ടതായിരുന്നു ദമ്പതികൾ എന്നാണ് വിവരം. ഇവർക്ക് 13ഉം 11ഉം വയസ്സുള്ള കുട്ടികളുണ്ട്.