ഇരിട്ടി പൂവം പുഴയില് ഒഴുക്കില്പ്പെട്ട ഒരു വിദ്യാര്ഥിയുടെ മൃതദേഹം കണ്ടെത്തി
കണ്ണൂര്: ഇരിട്ടി പൂവം പുഴയില് ഒഴുക്കില്പ്പെട്ട വിദ്യാര്ഥികളില് ഒരാളുടെ മൃതദേഹം കണ്ടെത്തി.ഷഹര്ബാന(20)യുടെ മൃതദേഹമാണ് വ്യാഴാഴ്ച രാവിലെ കണ്ടെത്തിയത്. ഇവര് മുങ്ങിത്താണ സ്ഥലത്തുനിന്നും ഏതാനും അകലെയാണ് മൃതദേഹം കണ്ടെത്തിയത്. ഇരിട്ടി, മട്ടന്നൂര് ഫയര്ഫോഴ്സ് സേനകള് നടത്തിയ തെരച്ചില് വിഫലമായതിനെ തുടര്ന്ന് ബുധനാഴ്ച്ച സന്ധ്യയോടെ എത്തിയ 30 അംഗ എന്ഡിആര്എഫ് സംഘം വ്യാഴാഴ്ച്ച രാവിലെ നടത്തിയ തെരച്ചിലിലാണ് മൃതദേഹം അപകടമുണ്ടായ സ്ഥലത്തു നിന്നും കുറച്ചകലെയായി കണ്ടെത്തിയത്. ഷഹര്ബാനക്കൊപ്പം ഒഴുക്കില്പ്പെട്ട് കാണാതായ ചക്കരക്കല് നാലാംപീടിക സ്വദേശിനി സൂര്യയെ ഇനിയും കണ്ടെത്താനുണ്ട്.
പഴശി അണക്കെട്ടിന്റെ വൃഷ്ടി പ്രദേശമായ പടിയൂര് പുവംകടവില് വച്ചാണ് രണ്ട് വിദ്യാര്ഥികളും ഒഴുക്കില്പ്പെട്ടത്. ഇരുവരും മീന്പിടുത്തക്കാരുടെ വലയില്പ്പെട്ടുവെങ്കിലും വലിച്ചു രക്ഷപ്പെടുത്താന് ശ്രമിക്കുന്നതിനിടെ വേര്പ്പെട്ടു പോവുകയായിരുന്നു ചൊവ്വാഴ്ച്ച വൈകിട്ട്, അഞ്ചു മണിയോടെയാണ് അപകടം ഉണ്ടായത്. എടയന്നൂര് തെരൂര് അഫ്സത്ത് മന്സിലില് മുഹമ്മദ് കുഞ്ഞിയുടെയും അഫ്സത്തിന്റെയും മകളാണ് ഷഹര്ബാന. ഷെഫീഖ് ഭര്ത്താവാണ്.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്