താമരശ്ശേരി സ്ഥാപനങ്ങളിലെ മോഷണം; പ്രതികൾ എറണാകുളത്ത് പോലീസ് പിടിയിൽ

താമരശ്ശേരി: താമരശ്ശേരിയിൽ  സ്ഥാപനങ്ങളിൽ മോഷണം നടത്തിയ പ്രതികൾ എറണാകുളത്ത് പോലീസ് പിടിയിൽ. 

താമരശ്ശേരി ഡിവൈഎസ്പിയുടെ നേതൃത്വത്തിലുള്ള ക്രൈം സ്കോഡ് നൽകിയ വിവരത്തിൻ്റെ അടിസ്ഥാനത്തിൽ എറണാകുളം സെൻഡ്രൽ പോലീസാണ് പ്രതികളെ പിടികൂടിയത്. 

താമരശ്ശേരി ലാവണ്യ ഇ പ്ലാസ, മൈക്രോ ലാബ്, സെൻട്രിയൽ സൂപ്പർമാർക്കറ്റ് എന്നിവിടങ്ങളിൽ നിന്നായി 5 മൊബൈൽ, ഒരു ടാബ്, ഒരു ടോർച്ച്, ഒരു ട്രിമ്മർ, രണ്ടു ലക്ഷത്തി പന്ത്രണ്ടായിരം രൂപ എന്നിവയാണ് കവർന്നത്.

കുറ്റിക്കാട്ടൂർ വെള്ളിപറമ്പ് കീഴ് മഠത്തിൽ മുഹമ്മദ് തായിഫ് (22), ബാലുശ്ശേരി മഞ്ഞപ്പാലം തൈക്കണ്ടി ഗോകുൽ, ചേളന്നൂർ ഉരുളു മല ഷാഹിദ് എന്ന ഷാനു (20), ചക്കുംകടവ് അമ്പലത്താഴം എം.പി ഫാസിൽ എന്നിവരെയാണ് പോലീസ് പിടികൂടിയത്.പ്രതികളെ എറണാകുളത്തു നിന്നും താമരശ്ശേരി പോലീസ് സ്റ്റേഷനിൽ എത്തിക്കും .കഴിഞ്ഞ പന്ത്രണ്ടാം തിയ്യതി പുലർച്ചെയായിരുന്നു കവർച്ച നടത്തിയത്.

മോഷ്ടിച്ച മൂന്നു ബൈക്കുകളിലായാണ് പ്രതികൾ മോഷണത്തിന് എത്തിയത്