പൊട്ടിയ കുടിവെള്ള വിതരണ പൈപ്പ് ശരിയാക്കിയില്ല, വ്യത്യസ്ത പ്രതിഷേധവുമായി നാട്ടുകാർ.

താമരശ്ശേരി: പൊട്ടിയ കുടിവെള്ള വിതരണ പൈപ്പ് ശരിയാക്കിയില്ല,  വ്യത്യസ്ത പ്രതിഷേധവുമായി നാട്ടുകാർ .താമരശ്ശേരി പഴയ ബസ്സ് സ്റ്റാൻ്റിന് മുൻവശം ഫുട്പാത്ത് നവീകരണത്തിൻ്റെ ഭാഗമായി ദേശീയപാതയിൽ രൂപപ്പെട്ട കുഴിയിൽ വാട്ടർ അതോറിറ്റിയുടെ പൈപ്പ് ലൈൻ പൊട്ടി കുടിവെള്ളം പാഴാകാൻ  തുടങ്ങിയിട്ട് രണ്ടു മാസമായെങ്കിലും അധികൃതർ നിസ്സംഗത പാലിക്കുന്നതിൽ പ്രതിഷേധിച്ചാണ് വിത്യസ്ത സമരമുറ.കപ്പിയും, കയറും സ്ഥാപിച്ച്  ബക്കറ്റിൽ വെള്ളം കോരിയും വസ്ത്രങ്ങൾ അലക്കിയുമാണ് നാട്ടുകാരുടെ പ്രതിഷേധം.

ഈ ഒരു സ്ഥലത്ത് മാത്രമല്ല ദേശീയ പാതയോരത്ത് ചുങ്കം മുതൽ കാരാടി വരെ അഞ്ചിടങ്ങളിൽ പൈപ്പ് പൊട്ടി വെള്ളം പതിവായി ഒഴുകിക്കൊണ്ടിരിക്കുന്നുണ്ട്, പരാതി നൽകി മടുത്ത നാട്ടുകാരാണ് പ്രതിഷേധവുമായി രംഗത്തിറങ്ങിയത്.