വീടിൻ്റെ ടെറസിന് മുകളിൽ നിന്ന് താഴേക്ക് വീണു ഗുരുതര പരിക്ക്; ചികിത്സയിലിരിക്കെ യുവതി മരിച്ചു

ഉള്ളിയേരി: വീട്ടിലെ ടെറസിന് മുകളിൽ നിന്ന് താഴേക്ക് വീണ യുവതി ചികിത്സയിലിരിക്കെ മരിച്ചു. വനിത മുസ്ലിം ലീഗ് നേതാവായിരുന്ന ഉള്ളിയേരിയിലെ മാമ്പൊയിൽ, നൊരമ്പാട്ട് അസ്മയാണ് മരണപ്പെട്ടത്. ഉള്ളിയരിയിലെ ലീഗ് നേതാവായിരുന്ന പരേതനായ ഒ.സി. മുഹമ്മദ് കോയ ഹാജിയുടെ പുത്രിയാണ്. തുണി കഴുകി ഉണക്കാൻ വേണ്ടി ടെറസിൽ കയറിയപ്പോൾ താഴേക്ക് തലകുത്തി വീഴുകയായിരുന്നു വത്രേ. ഗുരുതരമായി പരിക്കേറ്റ അസ്മ കോഴിക്കോട് മെഡിക്കൽ കോളേജ് ആശുപത്രിയിലാണ് മരിച്ചത്. നൊരമ്പാട്ട് കബീർ ആണ് ഭർത്താവ്. ഒ.സി. റഷീദ് ഒ.സി. അഷ്റഫ് ഒ.സി..മുനീർ എന്നിവർ സഹോദരരാണ്