തീവ്ര മഴ വരുന്നു; നാളെ മുതൽ കേരളത്തിൽ കനത്ത മഴ

തിരുവനന്തപുരം: അന്തരീക്ഷത്തിന്റെ ഉയർന്ന ലെവലിൽ ചക്രവാതചുഴി രൂപപ്പെട്ടതിനെ തുടർന്ന് സംസ്ഥാനത്ത് വീണ്ടും കനത്ത മഴ വരുന്നു. സംസ്ഥാനത്ത് നാല്  ദിവസം അതിശക്തമായ മഴക്ക് ആണ് സാധ്യത പ്രഖ്യാപിച്ചത്. ഓഗസ്റ്റ് 5 ചൊവ്വാഴ്ച സംസ്ഥാനത്ത് മഴ തീവ്രമാകുമെന്നും മുന്നറിയിപ്പിൽ പറയുന്നു. 

ഇന്ന് (03-08-2025) ആലപ്പുഴ, കോട്ടയം, ഇടുക്കി, എറണാകുളം ജില്ലകളിലും നാളെ ഇടുക്കി, എറണാകുളം, തൃശ്ശൂർ ജില്ലകളിലുമാണ് ഓറ‍ഞ്ച് അലർട്ട്. 

ഇന്ന് തിരുവനന്തപുരം, കൊല്ലം, പത്തനംതിട്ട, തൃശ്ശൂർ, പാലക്കാട്, മലപ്പുറം ജില്ലകളിലും നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിലും യെല്ലോ അലർട്ടും പ്രഖ്യാപിച്ചിട്ടുണ്ട്.