ക്വാറിയില് നിന്നും കരിങ്കല് ചീളുകള് പറന്നെത്തി; രണ്ടുപേര്ക്ക് പരിക്ക്
മുക്കം: തോട്ടുമുക്കം ദേവസ്വംകാട്ടിലെ കരിങ്കല് ക്വാറിയില് നിന്ന് കല്ല് തെറിച്ച് രണ്ടുപേര്ക്ക് പരുക്ക്. പറമ്പില് ജോലി ചെയ്യുമ്പോഴായിരുന്നു കല്ല് ദേഹത്തേക്ക് പതിച്ചത്. ക്വാറിയുടെ പ്രവര്ത്തനത്തിനെതിരെ കഴിഞ്ഞ മൂന്നാഴ്ചയായി പ്രദേശവാസികള് സമരം തുടരുമ്പോഴാണ് അപകടം.
തെക്കനാട്ട് ഷോജി തോമസ്, ചക്കാലക്കല് ജലീല് എന്നിവര്ക്കാണ് തലയ്ക്കും കൈയ്ക്കും പരുക്കേറ്റത്. രാവിലെ വലിയ ശബ്ദത്തോടെ കല്ല് പല ഭാഗത്തേക്കായി ചിന്നിച്ചിതറുകയായിരുന്നു. സമീപത്തെ സമരപന്തലിലുണ്ടായിരുന്നു സ്ത്രീകളും കുട്ടികളും ശബ്ദം കേട്ട് പലഭാഗത്തേക്ക് ഓടിമാറി. ക്വാറിയില് നിന്ന് 50 മീറ്റര് മാറി പറമ്പില് പണിയെടുത്തുകൊണ്ടിരുന്നവര്ക്കാണ് പരുക്കറ്റത്.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്