കോരങ്ങാട് പോലീസ് ബസും ലോറിയും കൂട്ടിയിടിച്ച് അപകടം; ആളപായമില്ല
താമരശ്ശേരി: കോരങ്ങാട് ഹൈസ്കൂളിന് സമീപം പോലീസ് ബസും ലോറിയും കൂട്ടിയിടിച്ച് അപകടം. ഇന്ന് രാവിലെ ഏഴ് മണിയോടെയാണ് സംഭവം.
താമരശ്ശേരി ഭാഗത്തുനിന്നും കൊയിലാണ്ടി ഭാഗത്തേക്ക് ഇരുമ്പ് പൈപ്പുമായി പോവുകയായിരുന്ന ലോറിയിൽ എതിർദിശയിൽ നിന്നെത്തിയ പോലീസ് ബസ് ഇടിക്കുകയായിരുന്നു. അപകടത്തിൽ ആർക്കും പരിക്കുകളില്ല. എന്നാൽ പോലീസ് ബസ്സിന്റെ പിൻവശം പൂർണ്ണമായും തകർന്നിട്ടുണ്ട്.
