നരക്കോട് നിയന്ത്രണം വിട്ട സ്‌കൂട്ടര്‍ മതിലില്‍ ഇടിച്ച് അപകടം; പതിനാറുകാരന്‍ മരിച്ചു, രണ്ടുപേര്‍ക്ക് പരിക്ക്
മേപ്പയ്യൂര്‍: നരക്കോട് നിയന്ത്രണംവിട്ട സ്‌കൂട്ടര്‍ മതിലില്‍ ഇടിച്ച് അപകടം. അപകടത്തില്‍ ഗുരുതരമായി പരിക്കേറ്റ പ്ലസ് വണ്‍ വിദ്യാര്‍ഥി മരിച്ചു. ഇരിങ്ങത്ത് കുളങ്ങര 'കൃഷ്ണനിലയം' അജല്‍ പ്രവീണ്‍ (16) ആണ് മരിച്ചത്. രണ്ട് പേര്‍ക്ക് പരിക്കുണ്ട്.
ഗുരുതരമായി പരിക്കേറ്റ അജലിനെ ഉടനെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല . പരിക്കേറ്റ മറ്റു രണ്ടുപേര്‍ കോഴിക്കോട് മെഡിക്കല്‍ കോളേജില്‍ ചികിത്സയിലാണ്.
അജലിന്റെ മൃതദേഹം പോസ്റ്റുമോര്‍ട്ടത്തിനുശേഷം ഇന്ന് വൈകുന്നേരത്തോടെ വീട്ടിലേക്ക് കൊണ്ടുവരും. അച്ഛന്‍: പ്രവീണ്‍ കുമാര്‍. അമ്മ: മഞ്ജുഷ. സഹോദരന്‍: അര്‍ജുന്‍ പ്രവീണ്‍.
