'ആയിരം വിദ്യാര്ഥികള്ക്ക് ഒരു ലക്ഷം രൂപ വീതം; പദ്ധതി രാജ്യത്തുതന്നെ ആദ്യം'
2020-21 വിദ്യാഭ്യാസവര്ഷത്തില് പഠിച്ചിറങ്ങി സാമ്പത്തികമായി പിന്നാക്കം നില്ക്കുന്ന കുടുംബങ്ങളില് നിന്നുള്ള പ്രതിഭാധനരായ ആയിരം വിദ്യാര്ത്ഥികള്ക്ക് നല്കുന്ന 'മുഖ്യമന്ത്രിയുടെ വിദ്യാര്ത്ഥിപ്രതിഭാ പുരസ്കാരം' 23ന് മുഖ്യമന്ത്രി പിണറായി വിജയന് വിതരണം ചെയ്യും.
രണ്ടര ലക്ഷം രൂപയില് കുറവ് വാര്ഷിക കുടുംബവരുമാനമുള്ള ആയിരം വിദ്യാര്ത്ഥികളെ തെരഞ്ഞെടുത്ത് ഒരു ലക്ഷം രൂപയും പ്രശസ്തിപത്രവും നല്കുന്ന പദ്ധതി രാജ്യത്തുതന്നെ ആദ്യമായാണെന്ന് മന്ത്രി ആര് ബിന്ദു അറിയിച്ചു. ഓരോ സര്വ്വകലാശാലയിലും വിവിധ പഠന വിഷയങ്ങളില് ഏറ്റവും ഉയര്ന്ന മാര്ക്കോടെ ബിരുദം നേടിയിറങ്ങിയവര്ക്ക്, ലഭിച്ച മാര്ക്കിന്റെ അടിസ്ഥാനത്തിലാണ് പുരസ്കാരം. 23ന് വൈകിട്ട് ആറുമണിക്ക് കേരള സര്വ്വകലാശാലാ സെനറ്റ് ഹാളിലാണ് ചടങ്ങ് നടക്കുന്നത്.
മന്ത്രി ആര് ബിന്ദു പറഞ്ഞത്: ''സംസ്ഥാനത്തെ വിവിധ സര്വ്വകലാശാലകളില് 202021 വിദ്യാഭ്യാസവര്ഷത്തില് പഠിച്ചിറങ്ങിയ, സാമ്പത്തികമായി പിന്നാക്കം നില്ക്കുന്ന കുടുംബങ്ങളില് നിന്നുള്ള പ്രതിഭാധനരായ വിദ്യാര്ത്ഥികള്ക്ക് 'മുഖ്യമന്ത്രിയുടെ വിദ്യാര്ത്ഥിപ്രതിഭാ പുരസ്കാരം' നല്കുകയാണ്. ഉന്നതവിദ്യാഭ്യാസ മേഖലയില് ഗുണമേന്മ നേടിയെടുക്കുകയെന്ന ലക്ഷ്യത്തിലേക്കുള്ള സുപ്രധാനകാല്വെയ്പ്പായ പുരസ്കാരം 23ന് ബുധനാഴ്ച വൈകിട്ട് ആറുമണിക്ക് കേരള സര്വ്വകലാശാലാ സെനറ്റ് ഹാളില് നടക്കുന്ന ചടങ്ങില് ഉന്നതവിദ്യാഭ്യാസമന്ത്രിയുടെ അദ്ധ്യക്ഷതയില് മുഖ്യമന്ത്രി പിണറായി വിജയന് പുരസ്കാരങ്ങള് സമ്മാനിക്കും.''
''ധനമന്ത്രി കെ എന് ബാലഗോപാല് മുഖ്യപ്രഭാഷണം നിര്വ്വഹിക്കും. വി കെ പ്രശാന്ത് എംഎല്എ, തിരുവനന്തപുരം മേയര് ആര്യാ രാജേന്ദ്രന്, കേരള സര്വ്വകലാശാല വൈസ് ചാന്സലര് ഡോ. വി പി മഹാദേവന് പിള്ള എന്നിവരുടെ സാന്നിധ്യത്തിലാണ് പുരസ്കാരങ്ങള് സമ്മാനിക്കുക.''
''രണ്ടര ലക്ഷം രൂപയില് കുറവ് വാര്ഷിക കുടുംബവരുമാനമുള്ള ആയിരം വിദ്യാര്ത്ഥികളെ തെരഞ്ഞെടുത്ത് ഒരു ലക്ഷം രൂപയും പ്രശസ്തിപത്രവും നല്കുന്ന പദ്ധതി രാജ്യത്തുതന്നെ ആദ്യമായാണ്. ഓരോ സര്വ്വകലാശാലയിലും വിവിധ പഠന വിഷയങ്ങളില് ഏറ്റവും ഉയര്ന്ന മാര്ക്കോടെ ബിരുദം നേടിയിറങ്ങിയവര്ക്ക്, ലഭിച്ച മാര്ക്കിന്റെ അടിസ്ഥാനത്തിലാണ് പുരസ്കാരം. കേരളത്തിന്റെ ഉന്നതവിദ്യാഭ്യാസ ചരിത്രത്തിലെ സാമൂഹ്യനീതി ഇടപെടലുകളില് നാഴികക്കല്ലാണ് 'മുഖ്യമന്ത്രിയുടെ വിദ്യാര്ത്ഥിപ്രതിഭാ പുരസ്കാരം'.''
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്