99-ാം ജന്മദിനം ആഘോഷിച്ച് വി എസ്
തിരുവനന്തപുരം: 99-ാം ജന്മദിനം ആഘോഷിച്ച് മുതിര്ന്ന സിപിഐഎം നേതാവും മുന് മുഖ്യമന്ത്രിയുമായ വി എസ് അച്യുതാനന്ദന്. കുടുംബാംഗങ്ങള്ക്കൊപ്പമായിരുന്നു വി എസിന്റെ പിറന്നാള് ആഘോഷം. ആരോഗ്യ പ്രശ്നങ്ങള്മൂലം തിരുവനന്തപുരം ബാര്ട്ടണ്ഹില്ലില് മകന് വി എ അരുണ്കുമാറിന്റെ വീട്ടില് പൂര്ണ വിശ്രമത്തിലാണ് വി എസ്. അണുബാധ ഇല്ലാതിരിക്കാന് സന്ദര്ശകര്ക്ക് കര്ശന നിയന്ത്രണമാണ് ഡോക്ടര്മാര് നിര്ദേശിച്ചിട്ടുള്ളത്.
രാജ്യത്തെ ഏറ്റവും തലമുതിര്ന്ന കമ്യൂണിസ്റ്റ് നേതാവും സിപിഐ എമ്മിന്റെ സ്ഥാപകനേതാവുമായ വി എസ് മുഖ്യമന്ത്രി, പ്രതിപക്ഷ നേതാവ്, നിയമസഭാ സാമാജികന്, ഭരണപരിഷ്കാര കമീഷന് അധ്യക്ഷന്, സിപിഐ എം പോളിറ്റ് ബ്യൂറോ അംഗം, സംസ്ഥാന സെക്രട്ടറി, ദേശാഭിമാനി പത്രാധിപര് തുടങ്ങിയ പദവികള് വഹിച്ചു.
ആലപ്പുഴ പുന്നപ്ര വെന്തലത്തറവീട്ടില് ശങ്കരന്റെയും അക്കമ്മയുടെയും മകനായി 1923 ഒക്ടോബര് 20 നായിരുന്നു ജനനം. 1939-ല് സ്റ്റേറ്റ് കോണ്ഗ്രസില് ചേര്ന്ന വി എസ് 1940ല് പതിനേഴാം വയസ്സിലാണ് കമ്യൂണിസ്റ്റ് പാര്ട്ടിയില് അംഗമായത്. ഐതിഹാസികമായ പുന്നപ്ര വയലാര് സമര നായകനാണ്.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്