ഈങ്ങാപ്പുഴയിൽ കാറുകൾ കൂട്ടിയിടിച്ച് ഏഴുപേർക്ക് പരുക്ക്

താമരശ്ശേരി: കോഴിക്കോട്-കൊല്ലങ്ങൽ ദേശീയ പാതയിൽ  ഈങ്ങാപ്പുഴ എലോക്കരയിൽ കാറുകൾ കൂട്ടിയിടിച്ച് ഏഴുപേർക്ക് സാരമായി പരുക്കേറ്റു.

ഞായറാഴ്ച11: 30 ഓടെ ആയിരുന്നു അപകടം.

 വയനാട്ടിൽ നിന്നും നിലമ്പൂരിലേക്ക് വരികയായിരുന്ന ഇന്നോവ കാറിലെ യാത്രക്കാരായ ആയിശ(55), ഷൗക്കത്തലി (70), റഹീന (43), സലീന (48), യൂസഫലി (50), ഫിദ (19), ഫിദാൻ (4) എന്നിവർക്കാണ് പരുക്കേറ്റത്.

താമരശ്ശേരി ഭാഗത്തു നിന്നും വയനാട് ഭാഗത്തേക്ക് പോകുകയായിരുന്ന മറ്റൊരു ഇന്നോവയുമായി കൂട്ടിയിടിച്ചാണ് അപകടമുണ്ടായത്.

പരുക്കേറ്റവരെ താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

വയനാട് ഭാഗത്ത് നിന്നും വരികയായിരുന്ന കാർ മറ്റൊരാവാഹനത്തെ മറികടക്കാൻ ശ്രമിച്ചപ്പോഴാണ് അപകടമുണ്ടായത്.