തലശ്ശേരിയില് കെ.എസ്.ആര്.ടി.സി മിന്നല് ബസ് അപകടത്തില്പ്പെട്ടു; ആറു പേര്ക്ക് പരുക്ക്...
തലശ്ശേരി: തലശ്ശേരിയില് കെ.എസ്.ആര്.ടി.സി മിന്നല് ബസ് അപകടത്തില്പ്പെട്ടു. ഡ്രൈവര് ഉള്പ്പെടെ ആറോളം പേര്ക്ക് പരിക്കേറ്റു.
കോട്ടയത്തുനിന്ന് കാസര്കോടേക്ക് പോവുകയായിരുന്ന ബസാണ് അപകടത്തില് പെട്ടത്. ഇന്നു പുലര്ച്ചെ നാലര മണിക്കാണ് അപകടം.
തലശേരി ഗവ. ആശുപത്രിക്കും അഗ്നിശമന സേന ഓഫിസിനും സമീപത്തെ റോഡിലെ ഡിവൈഡറില് കയറിയാണ് അപകടമുണ്ടായത്.
ബസ് സമീപത്തെ അമൂല് ഷോറൂമിന്റെ ഗ്ലാസ്സ് തകര്ത്തു. നാട്ടുകാരും അഗ്നിശമന സേനയും ചേര്ന്ന് വാതില് പൊളിച്ചാണ് യാത്രക്കാരെ പുറത്ത് എത്തിച്ചത്.
ഡ്രൈവര് ഉറങ്ങിയതാണ് അപകടത്തിന് കാരണമായതെന്നാണ് റിപ്പോര്ട്ട്. കോട്ടയത്തുനിന്ന് പുറപ്പെട്ട ശേഷം ബസ് രണ്ട് തവണ ചെറിയ അപകടം വരുത്തിയതായി യാത്രക്കാര് പറഞ്ഞു.
അമ്പതോളം യാത്രക്കാര് ബസില് ഉണ്ടായിരുന്നു. പരുക്കേറ്റവരെ ജനറല് അശുപത്രിയില് എത്തിച്ചു. മറ്റ് യാത്രക്കാരെ ഡിപ്പോയില്നിന്ന് എത്തിയ കെ.എസ് ആര്.ടി.സി ബസില് കയറ്റി വിട്ടു. അപകടത്തില്പ്പെട്ട ബസ് ഡിപ്പോയിലേക്ക് മാറ്റി.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്