അറബിക് കഥാരചനയിൽ എ ഗ്രേഡ് നേടി കോഴിക്കോട് ജില്ലക്ക് റിഫ്ന ഫാത്തിമ അഭിമാനമായി.

കോഴിക്കോട്:  പ്രായാധിക്യത്താൽ വൃദ്ധ സദനത്തിൽ കൊണ്ടുവിട്ട മാതാവിൻ്റെ വേർപാടിൻ്റെ കഥ രചിച്ച് റിഫ്ന ഫാത്തിമ  സംസ്ഥാന സ്കൂൾ കലോത്സവത്തിൽ ഹയർ സെക്കൻഡറി വിഭാഗം അറബിക് കഥാരചനയിൽ എ ഗ്രേഡ് നേടി കോഴിക്കോട് ജില്ലക്ക് അഭിമാനമായി.താമരശ്ശേരി ഗവൺമെൻ്റ് ഹയർ സെക്കൻഡറി പ്ലസ് വൺ സയൻസ് വിദ്യാർത്ഥിനിയായ റിഫ്ന ഫാത്തിമ  ഒന്നാം ക്ലാസ് മുതൽ അറബിക്കലോത്സവത്തിൽ പങ്കെടുക്കുകയും യുപി ക്ലാസുകളിൽ വച്ച് ജില്ലാതലത്തിൽ വരെ എത്തുകയും ചെയ്തിരുന്നു. അറബി ഭാഷയെ പ്രത്യേകമായി ഇഷ്ടപ്പെടുന്ന ഈ വിദ്യാർത്ഥിനിയുടെ നേട്ടം അഭിമാനകരമാണ്. ഏഴാം ക്ലാസ്സിൽ യു എസ് എസ് സ്കോളർഷിപ്പും, എട്ടാം ക്ലാസിൽ നിന്ന് ജില്ലയിൽ മൂന്നാം റാങ്കോടെ NMMS സ്കോളർഷിപ്പും നേടിയിട്ടുണ്ട്. കാന്തപുരം പണിക്കത്ത് കണ്ടി ജാബിറിന്റെയും റസീനയുടെയും മകളാണ്. മുഹമ്മദ് റിഷാൻ ഏക സഹോദരനാണ്