തോട്ടം ഭൂമി:ലൈഫ് മിഷൻ പദ്ധതിയുടെ ഗുണഭോക്താക്കൾ ആശങ്കയിൽ

താമരശ്ശേരി∙ കട്ടിപ്പാറ, കെടവൂർ വില്ലേജുകളിൽ ഉൾപ്പെടുന്ന തോട്ടം ഭൂമികളിൽ സ്ഥിര താമസക്കാരുടെയും സ്ഥലം വാങ്ങി വീടുകൾ നിർമിക്കാൻ പെർമിറ്റിന് അപേക്ഷ നൽകി കാത്തിരിക്കുന്നവരും ലൈഫ് മിഷൻ പദ്ധതിയിൽ പേര് ഉൾപ്പെട്ടവരും ആശങ്കയിൽ . കട്ടിപ്പാറ പഞ്ചായത്തിലെ കട്ടിപ്പാറ, താമരശ്ശേരി പഞ്ചായത്തിലെ കെടവൂർ വില്ലേജുകളിൽ ഉൾപ്പെടുന്ന വാർഡുകളിലാണ് ഭൂമി പ്രശ്നം നിലനിൽക്കുന്നത്.

കേരള ഭൂപരിഷ്കരണ നിയമം സെക്​ഷൻ 81 പ്രകാരം ഇളവ് അനുവദിച്ച തോട്ടം ഭൂമികളിൽ വർഷങ്ങളായി വീടുകളും കെട്ടിടങ്ങളും നിർമിച്ച് താമസിച്ച് വരുന്നവർക്കാണ്  ഇപ്പോൾ ഭൂമിയുടെ അവകാശം പോലും നഷ്ടമാവുന്നത്. തോട്ട ഭൂമിയുടെ പേരിലുള്ള ഹൈക്കോടതി ഉത്തരവ് നടപ്പാക്കുന്നതോട ഇവിടം താമസിക്കുന്ന ജനങ്ങൾ പ്രതിസന്ധിയിൽ ആയി.

വർഷങ്ങളായി തോട്ടഭൂമികളിൽ വീടുകളും സ്ഥാപനങ്ങളും നിർമിച്ച് താമസിക്കുന്ന  കർഷകർക്കും കർഷക തൊഴിലാളികൾക്കും മറ്റു മേഖലകളിൽ പ്രവർത്തിക്കുന്നവർക്കും സ്ഥായിയായ സംരക്ഷണം ലഭിക്കുന്നതിന് കേരള ഭൂപരിഷ്കരണ നിയമത്തിൽ ആവശ്യമായ ഭേദഗതികൾ വരുത്തി ആശങ്കകൾ അകറ്റണമെന്നാണ് ജനങ്ങളുടെ ആവശ്യം.