യാത്രക്കാരുടെ ശ്രദ്ധയ്ക്ക്; സംസ്ഥാനത്ത് ചില ട്രെയിനുകള്‍ റദ്ദാക്കി, യാത്രകള്‍ വെട്ടിച്ചുരുക്കി

തിരുവനന്തപുരം: ട്രാക്കിലെ അറ്റകുറ്റപ്പണികളുടെ ഭാഗമായി സംസ്ഥാനത്ത് ട്രെയിന്‍ ഗതാഗതത്തില്‍ വീണ്ടും നിയന്ത്രണം.മാവേലിക്കരയ്ക്കും ചെങ്ങന്നൂരിനുമിടയില്‍ അറ്റകുറ്റപ്പണി നടക്കുന്നതിനാല്‍ ചില ട്രെയിനുകള്‍ റദ്ദാക്കിയിട്ടുണ്ട്. ചില ട്രെയിനുകള്‍ക്ക് നിയന്ത്രണമുണ്ടെന്നും ഇന്ത്യന്‍ റെയില്‍വെ അറിയിച്ചു.

 റദ്ദാക്കിയ ട്രെയിനുകള്‍

1. എറണാകുളം - ഗുരുവായൂര്‍ എക്സ്പ്രസ് മെയ് എട്ടിനും പതിനഞ്ചിനും റദ്ദാക്കി.

2. കൊല്ലം - എറണാകുളം മെമു എക്സ്പ്രസ് നാളെ മുതല്‍ മെയ് 31 വരെ ഭാഗികമായി റദ്ദാക്കി.

 ട്രെയിനുകള്‍ക്ക് നിയന്ത്രണം

1. ഈ മാസം 15ന് നിലമ്ബൂര്‍ - കോട്ടയം ട്രെയിന്‍ അങ്കമാലി വരെ മാത്രം.

2. മെയ് 8,15 തീയതികളില്‍ കണ്ണൂര്‍ - എറണാകുളം എക്സ്പ്രസ് തൃശ്ശൂര്‍ വരെ മാത്രം.

3. മെയ് 8,15 തീയതികളില്‍ തിരുവനന്തപുരം - ഗുരുവായൂര്‍ ഇന്റര്‍സിറ്റി എറണാകുളം വരെ മാത്രം.

4. മെയ് 9,16 തീയതികളില്‍ ഗുരുവായൂര്‍ - തിരുവനന്തപുരം ഇന്റര്‍സിറ്റി എറണാകുളത്ത് നിന്ന് പുറപ്പെടും.

5. മെയ് 8,15 തീയതികളിലെ പുനലൂര്‍ - ഗുരുവായൂര്‍ എക്സ്പ്രസ് കോട്ടയം വരെ മാത്രേ സര്‍വ്വീസ് നടത്തൂ.

6. മെയ് 15ന് വഞ്ചിനാട് എക്സ്പ്രസ് തൃപ്പൂണിത്തുറ വരെ വരെ മാത്രേ സര്‍വ്വീസ് നടത്തൂ.

7. എറണാകുളം കൊല്ലം മെമു മെയ് 30 വരെ കായംകുളം വരെ മാത്രേ സര്‍വ്വീസ് നടത്തൂ.