ക്ഷേത്രത്തിന്‍റെ ഭണ്ഡാരം കുത്തിതുറന്നു; തുടര്‍ക്കഥയായി മോഷണം

കൊയിലാണ്ടി-പൊയിൽക്കാവ് ദുർഗാദേവി

ക്ഷേത്രത്തിന്റെ ഭണ്ഡാരം കുത്തിതുറന്ന് മോഷണം. ഭണ്ഡാരം തുററക്കാനുപയോഗിച്ചതെന്ന് കരുതുന്ന ഇരുമ്പ് വടി ക്ഷേത്രത്തിന് സമീപത്ത് നിന്ന് കണ്ടെത്തി. നടപ്പന്തലിനകത്തുള്ള പ്രധാന ഭണ്ഡാരത്തിലെ പണമാണ് മോഷ്ടിക്കപ്പെട്ടത്. പുലർച്ചെ നാലുമണിയോടെ ക്ഷേത്രജീവനക്കാരി എത്തിയപ്പോഴാണ് മോഷണവിവരം അറിയുന്നത്. നോട്ടുകൾ എടുത്ത ശേഷം നാണയത്തുട്ടുകൾ ഭണ്ഡാരത്തിൽ തന്നെ ഉപേക്ഷിച്ചിട്ടുണ്ട്. എത്ര തുക നഷ്ടമായെന്ന് കണക്കാക്കാനായിട്ടില്ല. മണ്ഡലകാലത്തോടനുബന്ധിച്ച് നിരവധിപേർ ക്ഷേത്രത്തിൽ കാണിക്ക സമർപ്പിച്ചിരുന്നു

ക്ഷേത്രത്തിന്റ വടക്ക് ഭാഗത്ത് നിന്നാണ് ഭണ്ഡാരം കുത്തിത്തുറക്കാൻ ഉപയോഗിച്ചതെന്ന് കരുതുന്ന ഇരുമ്പ് ദണ്ഡ് ലഭിച്ചത്. പൊലീസും വിരലടയാള വിദഗ്ദരും പരിശോധന നടത്തി. സമീപത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം. ദിവസങ്ങൾക്ക് മുൻപ് സമീപത്തെ മറ്റൊരു ക്ഷേത്രത്തിലും മോഷണം നടന്നിരുന്നു. മോഷണം തുടർക്കഥയായതോടെ നാട്ടുകാരും ആശങ്കയിലാണ്.