പാലക്കാട് സഹോദരങ്ങളുടെ മക്കളായ രണ്ടുപേർ ക്വാറിയിൽ കാൽ വഴുതി വീണ് മരിച്ചു

പാലക്കാട് മുണ്ടോളി ചെഞ്ചുരുളി ക്വാറിയിൽ കാൽ വഴുതി വീണ് സഹോദരങ്ങളുടെ മക്കളായ രണ്ടുപേർ മരിച്ചു. ചെഞ്ചുരുളി മണികണ്ഠൻ മകൻ മേഘജ് (18), രവീന്ദ്രൻ മകൻ അഭയ് (21) എന്നിവരാണ് മരിച്ചത്. ചൊവ്വാഴ്ച രാത്രി 10.30 നാണ് സംഭവം. വീടിനു സമീപത്തെ ക്വാറിക്ക് സമീപം സംസാരിച്ചു നടന്നു പോകുന്നതിനിടയിൽ മേഘജ് കാൽ വഴുതി വീഴുകയും രക്ഷിക്കാൻ ശ്രമിച്ച അഭയ് ഒപ്പം വീഴുകയുമായിരുന്നെന്ന് പോലീസ് പറഞ്ഞു. ഇത് കണ്ട മറ്റൊരു സമീപവാസി ഉടൻ പോലീസിൽ വിവരം അറിയിക്കുകയായിരുന്നു.