രാരോത്ത് ജി.എം.എച്ച്.എസിന് സ്ഥലം വാങ്ങുന്നതിന് ബിരിയാനി ചാലഞ്ച് ജൂലൈ ഒന്നിന്.
താമരശ്ശേരി:രാരോത്ത് ഗവ: മാപ്പിള ഹൈസ്‌കൂളിന് സ്ഥലം വിലക്കെടുക്കുന്നതിന്
ഫണ്ട് ലക്ഷ്യം വെച്ച്
ബിരിയാനി ചാലഞ്ച് ജൂലൈ 1 ന് ചൊവ്വാഴ്ച നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.
സ്കൂളിന് സ്ഥലം വാങ്ങുന്ന ആവശ്യത്തിലേക്ക് 28 ലക്ഷം രൂപ സമാഹരിക്കുകയാണ് ലക്ഷ്യം.
പതിനായിരം ബിരിയാണി പാക്കറ്റുകൾ തയ്യാറാക്കി വിതരണം ചെയ്യും. പരിപാടിയുടെ വിജയത്തിന്നായി നാട്ടുകാർ, രക്ഷിതാക്കൾ,പൂർവ്വ വിദ്യാർത്ഥികൾ, സാമൂഹ്യ സാംസ്‌കാരിക രാഷ്ട്രീയ രംഗത്തെ പ്രമുഖർ, അധ്യാപകർ എന്നിവരെ ഉൾകൊളളിച്ചു കൊണ്ട് വിപുലമായ കമ്മറ്റികൾക്ക് രൂപം നൽകിയതായി ഭാരവാഹികൾ പറഞ്ഞു.
വാർത്താ സമ്മേളനത്തിൽ
ഗ്രാമപഞ്ചായത്ത് പ്രസിഡണ്ട് എ. അരവിന്ദൻ, കൺവീനർ പി.സി.അബ്ദുൽ അസീസ്, പി.ടി.എ പ്രസിഡണ്ട് എം.ടി. അയൂബ് ഖാൻ, പ്രധാന അധ്യാപിക എം. ജഗന്ദിനി ,ജെ.ടി. അബ്ദുറഹിമാൻ, എ.പി. ഹുസൈൻ, എ.സി. ഗഫൂർ, എം.പി.സി.ജംഷിദ് എന്നിവർ പങ്കെടുത്തു."
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്‍