കട്ടിപ്പാറ ഹോമിയോ ഡിസ്‌പെൻസറി ക്ക് കായകൽപ്പ അവാർഡ്

കട്ടിപ്പാറ : ആരോഗ്യ മേഖലയിലെ മികവുറ്റ പ്രവർത്തനങ്ങൾക്ക് കട്ടിപ്പാറ ഗ്രാമപഞ്ചായത്ത് ഗവണ്മെന്റ് ഹോമിയോ ഡിസ്‌പെൻസറി ക്ക് കായകൽപ്പ അവാർഡ് ലഭിച്ചു. തുടർച്ചയായ രണ്ടാം തവണയാണ് മികവിനുള്ള പുരസ്‌കാരങ്ങൾ ഈ സ്ഥാപനത്തെ തേടിയെത്തുന്നത്.കഴിഞ്ഞ വർഷം കേന്ദ്ര സർക്കാരിന്റെ 

എൻ എ ബി എച്ച്  അംഗീകാരം ലഭിച്ചിരുന്നു. 

ജനങ്ങൾക്ക് കൂടുതൽ സൗകര്യപ്രദമാകുന്ന രീതിയിൽ സേവനങ്ങൾ മെച്ചപ്പെടുത്തുക എന്ന ലക്ഷ്യത്തോടെ ആരോഗ്യമേഖലയിൽ ഒരു വലിയ മുന്നേറ്റം കൈവരിക്കാൻ സാധിച്ചതിൻറെ ഫലമായിട്ടാണ് ഇത്തരം അംഗീകാരങ്ങൾ കട്ടിപ്പാറയിലേക്ക് എത്തിയതെന്ന് ഗ്രാമപഞ്ചായത്ത് പ്രസിഡണ്ട് പ്രേംജി ജെയിംസ് അറിയിച്ചു.

1982 ൽ പ്രവർത്തനം ആരംഭിച്ച  ഡിസ്‌പെൻസറി 2019 ൽ മാതൃകാ ഡിസ്പെൻസറി ആയി ഉയർത്തി.

2023 ൽ ആയുഷ് ഹെൽത്ത്‌ ആൻഡ് വെൽനെസ്സ് സെന്റർ ആയി ഉയർന്ന നിലവാരത്തിലേക്ക് എത്തി. 2023 ൽ തന്നെ NABH അംഗീകാരവും ലഭിച്ചു. വിവിധപ്രായക്കാർക്ക് മികച്ച ചികിത്സ നൽകുന്നതോടൊപ്പം യോഗ പരിശീലനവും നടന്നു വരുന്നു

കട്ടിപ്പാറ ഹോമിയോ ഡിസ്പെൻസറിയുടെ ഉന്നമനത്തിനും, വിജയത്തിനും  അഹോരാത്രം പ്രയത്നിക്കുന്ന  മെഡിക്കൽ ഓഫീസർ ഡോ ഇന്ദു കെ ഉൾപ്പെടെയുള്ള ജീവനക്കാരെ പ്രസിഡന്റ് അനുമോദിച്ചു.