ഉന്നത വിജയികള്‍ക്കുള്ള അനുമോദനവും ലോഗോ പ്രകാശനവും
പൂനൂര്‍ ഗവ. ഹയര്‍സെക്കന്ററി സ്‌കൂളില്‍ എസ് എസ് എല്‍സി, പ്ലസ് ടു പരീക്ഷകളിലെ ഉന്നത വിജയികള്‍ക്കുള്ള അനുമോദനവും പ്രതിഭ പോഷണ പരിപാടിയായ ഗിഫ്റ്റ് പദ്ധതിയുടെ ലോഗോ പ്രകാശനവും സംഘടിപ്പിച്ചു. കോഴിക്കോട് ജില്ല പഞ്ചായത്ത് പ്രസിഡന്റ് ഷീജ ശശി ഉദ്ഘാടനവും ലോഗോ പ്രകാശനവും നിര്‍വഹിച്ചു. ഉണ്ണികളം ഗ്രാമ പഞ്ചായത്ത് പ്രസിഡന്റ് ഇന്ദിര ഏറാടിയില്‍ അധ്യക്ഷയായി. പ്രിന്‍സിപ്പാള്‍ ഡോ. ഇ സിന്ധു റിപ്പോര്‍ട്ട് അവതരിപ്പിച്ചു.
ബാലുശ്ശേരി ബ്ലോക്ക് പഞ്ചായത്ത് മെമ്പര്‍ പി സാജിത, ഉണ്ണികുളം ക്ഷേമ കാര്യ സ്റ്റാന്റിംഗ് കമ്മറ്റി ചെയര്‍മാന്‍ കെ കെ അബ്ദുള്ള മാസ്റ്റര്‍, മെമ്പര്‍ ആനിസ ചക്കിട്ടകണ്ടി, ഹെഡ്മാസ്റ്റര്‍ പി കെ മഹേഷ്, എം പി ടി എ പ്രസിഡന്റ് ജാസ്മിന്‍, എ വി മുഹമ്മദ്, എസ് നിഷിത, വി അബ്ദുല്‍ സലീം, വി മുനീര്‍, വി എച്ച് അബ്ദുല്‍ സലാം എന്നിവര്‍ സംസാരിച്ചു. പി ടി എ പ്രസിഡന്റ് എന്‍ അജിത് കുമാര്‍ സ്വാഗതവും കെ മുബീന നന്ദിയും പറഞ്ഞു.
.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്‍