താമരശ്ശേരി ചുരത്തില്‍ ലോറി കുടുങ്ങി; ഗതാഗതം തടസപ്പെട്ടു

താമരശ്ശേരി: ചുരത്തില്‍ ആറാം വളവില്‍ ലോറി കുടുങ്ങി. ഇന്ന് രാവിലെയാണ് ലോറി കുടുങ്ങിയത്. ഇതേത്തുടര്‍ന്ന് ഇതുവഴിയുള്ള ഗതാഗതം തടസപ്പെട്ടു.

ചെറുവാഹനങ്ങളും ഇരുചക്രവാഹനങ്ങളുമാണ് നിലവില്‍ ഇതുവഴി കടന്നുപോകുന്നത്. മൂന്ന് ദിവസം അവധിയായതിനാല്‍ വയനാട് ഭാഗത്തേക്ക് വിനോദയാത്രയ്ക്കും മറ്റും പോകുന്നവരുള്ളതിനാല്‍ വാഹനങ്ങള്‍ ഏറെയുണ്ട്.