കാല്വഴുതിവീണ മകനെ രക്ഷിക്കാനുള്ള ശ്രമത്തിനിടെ ഒഴുക്കില്പ്പെട്ടു; കോഴിക്കോട് യുവതിക്ക് ദാരുണാന്ത്യം
കുറ്റ്യാടിയില് ഒഴുക്കില്പ്പെട്ട് യുവതി മരിച്ചു. അന്തിക്കുന്നുമ്മല് തോട്ടത്തില്കണ്ടി സുധീഷിന്റെ ഭാര്യ രമ്യ(35) ആണ് മരിച്ചത്. കാല്വഴുതിവീണ ഏഴ് വയസുകാരൻ മകൻ ശിവനന്ദിനെ രക്ഷിക്കാന് ശ്രമിക്കുന്നതിനിടെ ഒഴുക്കില്പ്പെടുകയായിരുന്നു.
തോട്ടത്താംകണ്ടി ഭാഗത്ത് അലക്കുന്നതിനായി പോയതായിരുന്നു രമ്യ. ഈ സമയം മകളും ഒപ്പം പോയി. ഇതിനിടെ കുട്ടി കാല്വഴുതി വെള്ളത്തില് വീഴുകയായിരുന്നു. കുട്ടിയെ രക്ഷിക്കാനുള്ള ശ്രമത്തിനിടെ രമ്യ ഒഴുക്കില്പ്പെടുകയായിരുന്നു. ഫയര്ഫോഴ്സും നാട്ടുകാരും നടത്തിയ തെരച്ചിലില് രമ്യയുടെ മൃതദേഹം കണ്ടെത്തുകയായിരുന്നു. കുട്ടിയെ കണ്ടെത്താന് കഴിഞ്ഞിട്ടില്ല. തെരച്ചില് തുടരുകയാണ്. കുന്നശ്ശേരി എൽപി സ്കൂൾ രണ്ടാം ക്ലാസ് വിദ്യാർത്ഥിയാണ് ശിവനന്ദ്.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്