കനത്ത മഴ: മലയോര ഹൈവേയിൽ 28 മൈൽ മുതൽ തലയാട് വരെ ഗതാഗതം നിരോധിച്ചു
തലയാട്: ശക്തമായ മഴയെത്തുടർന്ന് മലയോര ഹൈവേയിൽ മണ്ണിടിച്ചിൽ ഭീഷണി ഉയർന്നതോടെ 28 മൈൽ മുതൽ തലയാട് വരെയുള്ള ഭാഗങ്ങളിൽ വാഹനഗതാഗതം പൂർണ്ണമായും നിരോധിച്ചു. മഴ ശമിക്കുന്നത് വരെയാണ് അധികൃതർ നിയന്ത്രണം ഏർപ്പെടുത്തിയിരിക്കുന്നത്.
പാതയിൽ പലയിടങ്ങളിലും റോഡിലേക്ക് മണ്ണും കല്ലും ഇടിഞ്ഞുവീഴാൻ സാധ്യതയുള്ളതിനാലാണ് യാത്രക്കാരുടെ സുരക്ഷ മുൻനിർത്തി അടിയന്തര നടപടി. ഈ വഴിയുള്ള യാത്രക്കാർ മറ്റു ബദൽ റോഡുകൾ ഉപയോഗിക്കണമെന്നും, അനാവശ്യ മലയോര യാത്രകൾ പൂർണ്ണമായും ഒഴിവാക്കണമെന്നും അധികൃതർ മുന്നറിയിപ്പ് നൽകി.
