പെന്ഷന് കാര്ഡ് അപ്ഡേറ്റ് ചെയ്യണം, വാട്സ്ആപ്പില് ലിങ്ക് വന്നു; പോയത് ഏഴ് ലക്ഷം രൂപ
കൊച്ചി: സൈബര് തട്ടിപ്പില് വയോധികന് നഷ്ടമായത് ഏഴ് ലക്ഷം രൂപ. പെന്ഷന് കാര്ഡ് അപ്ഡേറ്റ് ചെയ്യണമെന്നാവശ്യപ്പെട്ട് ഫോണ് വിളിച്ചശേഷം നല്കിയ വാട്സ്ആപ്പ് ലിങ്കില് പ്രവേശിച്ച എറണാകുളം സ്വദേശിയായ വയോധികനാണ് പണം നഷ്ടമായത്. പീടിയേക്കല് റോഡ് സ്വദേശിയായ ഹംസയാണ് തട്ടിപ്പിനിരയായത്.
ആഗസ്റ്റ് ഏഴിനാണ് സംഭവം. ഹംസയുടെ ഫോണിലേക്ക് പോസ്റ്റ് ഓഫീസ് പെന്ഷന് കാര്ഡിന്റെ കാര്യങ്ങള് സംസാരിക്കാനെന്ന് പറഞ്ഞ് കോള് വന്നു. തുടര്ന്ന് വാട്സ്ആപ്പ് നമ്പറില്നിന്ന് പോസ്റ്റ് ഓഫീസ് പെന്ഷന് കാര്ഡ് അപ്ഡേറ്റ് ചെയ്യുന്നതിനെന്നു പറഞ്ഞ് ലിങ്ക് അയച്ചുകൊടുത്തു. ഈ ലിങ്ക് വഴി മേല്വിലാസവും മറ്റ് വിവരങ്ങളും നല്കിയതിന് പിന്നാലെയാണ് അക്കൗണ്ടിലുണ്ടായ ഏഴുലക്ഷം രൂപ നഷ്ടമായത്.
