'മാധ്യമം' ലേഖകനെ​ മർദിച്ച തിരൂർ സി.ഐയെ സ്ഥലംമാറ്റി

തിരുവനന്തപുരം: 'മാധ്യമം' റിപ്പോർട്ടർ കെ.പി.എം. റിയാസിനെ മർദിച്ച സംഭവത്തിൽ തിരൂർ സി.ഐ ടി.പി. ഫർഷാദിനെ സ്ഥലംമാറ്റി. ഉടൻ ജില്ല പൊലീസ് ആസ്ഥാനത്ത്​ റിപ്പോർട്ട് ചെയ്യാനാണ് ആവശ്യപ്പെട്ടിരിക്കുന്നത്. പുതിയ നിയമനം പിന്നീട് നൽകും. സ്​റ്റേറ്റ്​ പൊലീസ്​ മീഡിയ സെന്‍ററാണ്​ ഇതു സംബന്ധിച്ച വാർത്താകുറിപ്പ്​ നൽകിയത്​.

മാധ്യമം റിപ്പോർട്ടറും മലപ്പുറം പ്രസ്​ ക്ലബ്​ സെക്രട്ടറിയുമായ കെ.പി.എം റിയാസിന്​ വീടിനടുത്തുള്ള കടയുടെ പരിസരത്തുനിന്നാണ്​ പൊലീസിന്‍റെ മർദനമേറ്റത്​. സാധനങ്ങൾ വാങ്ങാനായി കടയിൽ പോയ റിയാസിനെയും കൂടെയുള്ള ആളെയും സി.ഐ ഫർഷദ്​ അകാരണമായി മർദിക്കുകയായിരുന്നു. ലാത്തിയടിയേറ്റ്​ പരിക്കേറ്റ റിയാസ്​ പിന്നീട്​ ആശുപത്രിയിലെത്തി ചികിത്സ തേടുകയായിരുന്നു.