താമരശ്ശേരി
by
Korangad News
ഡിസംബർ 02, 2021
സി പി ഐ എം താമരശ്ശേരി ഏരിയ സമ്മേളനം ഈ മാസം നാല്, അഞ്ച് തിയ്യതികളില് പൂനൂരിൽ
സമ്മേളനത്തിനുള്ള ഒരുക്കങ്ങള് പൂര്ത്തിയായതായും സമ്മേളനത്തിന് പൂനൂര് വേദിയാവുന്നതില് ഏറെ പ്രധാന്യമുണ്ടെന്നും സ്വാഗതസംഘം ചെയര്മാന് എ കെ ഗോപാലന് പറഞ്ഞു. ഞായറാഴ്ച വൈകിട്ട് സമ്മേളനം സമാപിക്കും. സമ്മേളനത്തിന്റെ മുന്നോടിയായ വിവിധ പരിപാടികളാണ് സംഘടിപ്പിച്ചത്. ഖിലാഫത്ത് പ്രസ്ഥാനത്തിന്റെ നൂറാം വാര്ഷികത്തിന്റെ ഭാഗമായുള്ള സെമിനാര് വെള്ളിയാഴ്ച വൈകിട്ട് നാലിന് പൂനൂര് അങ്ങാടിയില് നടക്കും. കെ ടി ജലീല് എം എല് എ ഉദ്ഘാടനം ചെയ്യും. എം എല് എ മാരായ അഡ്വ. സച്ചിന് ദേവ്, അഡ്വ. പി ടി എ റഹീം, മുന് എം എല് എ കാരാട്ട് റസാഖ്, ഫൈസല് എളേറ്റില് തുടങ്ങിയവര് പങ്കെടുക്കും. സ്വാഗതസംഘം കണ്വീനര് ടി സി രമേഷന് മാസ്റ്റര്, ട്രഷറര് പി കെ ബാബു, ടി സി വാസു എന്നിവരും വാര്ത്താ സമ്മേളനത്തില് പങ്കെടുത്തു.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്