ചേലക്കാട് ഉസ്താദ് ,വാവാട് ഉസ്താദ് അനുസ്മരണവും പ്രാർത്ഥന സദസ്സും സംഘടിപ്പിച്ചു.

താമരശ്ശേരി :എസ് വൈ എസ് - എസ് കെ എസ് എസ് എഫ്  കോരങ്ങാട് ശാഖാ കമ്മിറ്റി ചേലക്കാട് ഉസ്താദിന്റെയും  വാവാട് ഉസ്താദിന്റെയും അനുസ്മരണവും പ്രാർത്ഥന സദസ്സും സംഘടിപ്പിച്ചു. സി എച്ച് മഹലിൽ ചേർന്ന ചടങ്ങിൽ എം ടി ആലി ഹാജി അധ്യക്ഷനായി  ചടങ്ങ് മഹല്ല് പ്രസിഡണ്ട് പി എ അബ്ദുസ്സമദ് ഹാജി  ഉദ്ഘാടനം നിർവഹിച്ചു. 

റസാഖ്  ദാരിമി പൂനൂർ മുഖ്യപ്രഭാഷണം നിർവഹിച്ചു. വിജ്ഞാനവും വിനയവും നിറഞ്ഞൊഴുകിയ പണ്ഡിത പ്രതിഭകളായിരുന്നു  ചേലക്കാട് ഉസ്താദും വാവാട് ഉസ്താദും എന്ന് റസാഖ് ദാരിമി അഭിപ്രായപ്പെട്ടു .

ഷമീം ഉസ്താദ്, മിഥിലാജ് അലി കോരങ്ങാട്  എ പി സമദ് ,പി സി ഇസ്മയിൽ , ഷബീർ എന്നിവർ പങ്കെടുത്തു. ചടങ്ങിൽ വി പി  സലാം സ്വാഗതവും സിനാൻ നന്ദിയും പറഞ്ഞു.