ഏക സിവിൽ കോഡ് ബിൽ ജൂലൈയിൽ എന്ന് സൂചന
ന്യൂഡല്ഹി: രാജ്യത്ത് ഏകീകൃത സിവില് കോഡ് നടപ്പാക്കാനുള്ള നീക്കം നടത്തി കേന്ദ്ര സര്ക്കാര്. ഇതിന്റെ ഭാഗമായി ആഭ്യന്തര മന്ത്രി അമിത് ഷായും നിയമമന്ത്രി കിരണ് റിജിജുവും തമ്മില് കൂടിക്കാഴ്ച നടത്തി. തിങ്കളാഴ്ചയായിരുന്നു കൂടിക്കാഴ്ച.
കിരണ് റിജിജുവിന് പുറമെ വിവിധ വകുപ്പ് സെക്രട്ടറിമാരും സോളിസിറ്റര് ജനറല് തുഷാര് മെഹ്തയും ചര്ച്ചയുടെ ഭാഗമായി. അടുത്ത ലോക്സഭാ തിരഞ്ഞെടുപ്പിന് മുമ്പ് രാജ്യത്ത് ഏകസിവിൽ കോഡ് നടപ്പാക്കുന്നതിനുള്ള നീക്കമാണ് പുരോഗമിക്കുന്നതെന്നാണ് ലഭ്യമാകുന്ന വിവരം. 2014 മുതൽ ബി.ജെ.പി സർക്കാർ മുന്നോട്ട് വയ്ക്കുന്ന ആശയമാണ് ഏകീകൃത സിവിൽ കോഡ്.
എന്നാൽ രാജ്യത്ത് ഏകീകൃത സിവില് കോഡ് നടപ്പാക്കുന്നതുമായി ബന്ധപ്പെട്ട് ഇപ്പോള് തീരുമാനങ്ങളൊന്നും കൈക്കൊണ്ടിട്ടില്ലെന്ന് കിരണ് റിജിജു ഫെബ്രുവരിയിൽ വ്യക്തമാക്കിയരുന്നു.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്