സോഷ്യല് മീഡിയയിലൂടെയുള്ള ബന്ധം;പാലക്കാട് വീട്ടമ്മ തൂങ്ങി മരിച്ച സംഭവത്തില് യുവാവ് അറസ്റ്റില്
പാലക്കാട് കിഴക്കഞ്ചേരിയില് വീട്ടമ്മ തൂങ്ങി മരിച്ച സംഭവത്തില് യുവാവ് അറസ്റ്റില്. കിഴക്കഞ്ചേരി ഇളങ്കാവ് സ്വദേശി മണികണ്ഠന്(27) യെയാണ് മംഗലംഡാം പൊലീസ് അറസ്റ്റ് ചെയ്തത്. കഴിഞ്ഞ മാസം 19നാണ് കളവപ്പാടം സ്വദേശി പ്രകാശന്റെ ഭാര്യ കൃഷ്ണകുമാരി (39) വീട്ടില് തൂങ്ങിമരിച്ചത്.സംഭവത്തില് ഇവര് എഴുതി വെച്ച ആത്മഹത്യ കുറിപ്പിന്റെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്. സോഷ്യല് മീഡിയയിലൂടെയുള്ള ബന്ധമാണ് മരണത്തിലേക്ക് എത്തിച്ചതെന്ന് യുവതിയുടെ ആത്മഹത്യാ കുറിപ്പില് നിന്നും വിവരം ലഭിച്ചിരുന്നു. തുടര്ന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.പ്രതി മണികണ്ഠനെതിരെ എസ് സി എസ്ടി ആക്ട് പ്രകാരം ആത്മഹത്യാ പ്രേരണയ്ക്കാണ് കേസ് എടുത്തത്. മണ്ണാര്ക്കാട് എസ് സി എസ് ടി സ്പെഷ്യല് കോടതിയില് ഹാജരാക്കിയ പ്രതിയെ മലമ്പുഴ ജില്ലാ ജയിലില് റിമാന്റ് ചെയ്തു. കേസില് തുടരന്വേഷണം നടക്കുന്നതായി പൊലീസ് അറിയിച്ചു.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്