കാഴ്ച മറയ്ക്കുന്ന ഫ്ലക്സുകൾ ; കോടതി ഉത്തരവിന് പുല്ല് വില

താമരശ്ശേരി :കാഴ്ച മറയ്ക്കുന്ന ഫ്ലക്സുകള്‍ മാറ്റണമെന്ന ഹൈക്കോടതി കോടതി ഉത്തരവിന് പുല്ലുവില . സംസ്ഥാനപാതയിൽ കോരങ്ങാട് - കോളിക്കൽ റോഡിലേക്ക് പ്രവേശിക്കുന്ന ഭാഗത്താണ് ഡ്രൈവർമാർക്ക്  കാഴ്ച മറയ്ക്കുന്ന രീതിയിൽ ഫ്ലക്സുകൾ സ്ഥാപിച്ചത്.  കോളിക്കൽ റോഡിൽ നിന്ന് സംസ്ഥാനപാതയിലേക്ക് വാഹനങ്ങൾ പ്രവേശിക്കുമ്പോൾ കൃത്യമായി കാഴ്ച ഡ്രൈവർമാർക്ക് ലഭിക്കാത്തത് അപകടങ്ങൾക്ക് കാരണമാകുന്നു.

അപകടം സാധ്യത കണക്കിലെടുത്ത് പലപ്രാവശ്യം വ്യാപാരികൾ ഫ്ലക്സ് ബോർഡുകൾ നീക്കം ചെയ്തെങ്കിലും മത സംഘടനകളും രാഷ്ട്രീയ പാർട്ടികളും വീണ്ടും ബോർഡ് സ്ഥാപിക്കുകയായിരുന്നു.

കാഴ്ച മറയ്ക്കുന്ന  അനധികൃത ബോര്‍ഡുകള്‍ക്ക് 5000 രൂപ പിഴ, കൂടാതെ പൊലീസ് കേസും  നിയമങ്ങള്‍ കര്‍ശനമാണ് എന്നാല്‍ ഇതൊന്നും   ഇവിടെ ഫ്ലക്സ് വയ്ക്കുന്നവര്‍ക്ക് ബാധകമല്ല.