സ്കൂൾ പ്രവേശനോത്സവം ; ചെലവുചുരുക്കി നടത്താൻ സർക്കാർ

തിരുവനന്തപുരം: ഭരണമാറ്റത്തിന്റെ പുതുമ പുതിയ സ്‌കൂൾ അധ്യയനവർഷാരംഭത്തിലും പ്രതിഫലിപ്പിക്കാൻ പൊതുവിദ്യാഭ്യാസവകുപ്പിൽ ഒരുക്കങ്ങൾ.

പതിവുപോലെ പ്രവേശനോത്സവം നടത്തി വിദ്യാർഥികളെ വരവേൽക്കും. നെടുനീളൻ പ്രസംഗങ്ങൾക്കു പകരം കുട്ടികളുമായി സംവദിക്കുന്ന അവതരണപരിപാടികൾ നിർബന്ധമാക്കി. കുട്ടികളെ അണിനിരത്തി, സ്‌കൂളിനു പുറത്തുള്ള ഘോഷയാത്രകളും പാടില്ല.

നവാഗതരെ വരവേൽക്കുന്ന പരിപാടികൾ സാമ്പത്തികച്ചെലവില്ലാതെ, സാമൂഹിക പങ്കാളിത്തത്തോടെ സംഘടിപ്പിക്കാനും പ്രത്യേകം നിർദേശമുണ്ട്.

സംസ്ഥാനതല പ്രവേശനോത്സവം തിരുവനന്തപുരം പട്ടം ഗവൺമെന്റ് മോഡൽ ഗേൾസ് എച്ച്.എസ്.എസിൽ മുഖ്യമന്ത്രി വി.ഡി. സതീശൻ ഉദ്ഘാടനംചെയ്യും.