തോട്ടിൽ വീണ് അഞ്ചു വയസ്സുകാരിക്ക് ദാരുണാന്ത്യം
നരിക്കുനി: തോട്ടിൽ വീണ് അഞ്ചു വയസ്സുകാരി മരണപ്പെട്ടു. കാവുംപൊയിൽ വയപ്പുറത്ത് താമസിക്കുന്ന റഊഫ് - സബീന ദമ്പതികളുടെ മകൾ ഹന ഫാത്തിമ (5) ആണ് മരിച്ചത്. മൂർഖൻകുണ്ട് നെടിയനാട് ജി.എം.എൽ.പി. സ്കൂളിലെ എൽ.കെ.ജി. വിദ്യാർത്ഥിനിയാണ്.
നരിക്കുനി കാരുകുളങ്ങര പുതുശ്ശേരിപാലം തോട്ടിലാണ് അപകടമുണ്ടായത്. തോട്ടിൽ വീണ കുട്ടിയെ ഉടൻതന്നെ എളേറ്റിൽ വട്ടോളിയിലെ സ്വകാര്യ ആശുപത്രിയിലും, തുടർന്ന് കോഴിക്കോട് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം തുടർ നടപടികൾക്കായി കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി.
