ഓണം അവധി: താമരശ്ശേരി ചുരത്തിൽ വൻ ഗതാഗത കുരുക്ക്, വാഹനങ്ങളുടെ നീണ്ട നിര
താമരശ്ശേരി: ഓണം അവധി പ്രമാണിച്ച് താമരശ്ശേരി ചുരത്തിൽ ഗതാഗതക്കുരുക്ക്. വയനാട്ടിലേക്ക് ഒഴുകിയെത്തുന്ന സഞ്ചാരികളുടെയും നാട്ടിലേക്ക് മടങ്ങുന്നവരുടെയും വാഹനങ്ങളുടെ വൻ തിരക്ക് കാരണം മണിക്കൂറുകളോളമാണ് ഗതാഗതം പൂർണ്ണമായി തടസ്സപ്പെട്ടത്.
അവധി ദിനങ്ങൾ ആഘോഷിക്കാൻ വയനാട്ടിലെ പ്രകൃതിരമണീയമായ സ്ഥലങ്ങളിലേക്ക് എത്തുന്ന വിനോദസഞ്ചാരികളുടെ എണ്ണത്തിലുണ്ടായ വർധനവാണ് കുരുക്ക് രൂക്ഷമാക്കിയത്. ഇതോടൊപ്പം ചുരത്തിലെ ഇടുങ്ങിയ റോഡുകളിൽ വലിയ വാഹനങ്ങൾ കടന്നുപോകുന്നതിലെ പ്രയാസവും ഗതാഗതത്തെ കൂടുതൽ സങ്കീർണ്ണമാക്കി.
പോലീസും ചുരം സംരക്ഷണ സമിതി പ്രവർത്തകരും ചേർന്ന് ഗതാഗതം പുനഃസ്ഥാപിക്കാൻ സർവ്വസജ്ജമായി രംഗത്തുണ്ടെങ്കിലും അനിയന്ത്രിതമായ വാഹന പ്രവാഹം കാരണം ഗതാഗതം പൂർവസ്ഥിതിയിലാക്കാൻ സമയം എടുക്കുന്നുണ്ട്.
