സ്കൂട്ടറും ബുള്ളറ്റും കൂട്ടിയിടിച്ച് രണ്ട് യുവാക്കൾക്ക് പരിക്ക്
താമരശ്ശേരി: കോരങ്ങാട് മൂന്നാംതോട് ജംഗ്ഷനിൽ സ്കൂട്ടറും ബുള്ളറ്റും കൂട്ടിയിടിച്ച് രണ്ട് യുവാക്കൾക്ക് പരിക്കേറ്റു. താമരശ്ശേരി ചുങ്കം സ്വദേശി റിനു, വയനാട് കമ്പളക്കാട് സ്വദേശി രഞ്ജിത്ത് എന്നിവർക്കാണ് പരിക്കേറ്റത്.
വെള്ളിയാഴ്ച രാത്രി ഒമ്പത് മണിയോടെയായിരുന്നു അപകടം. പരിക്കേറ്റ സ്കൂട്ടർ യാത്രികൻ റിനുവിനെ കോഴിക്കോട് മെഡിക്കൽ കോളേജ് ആശുപത്രിയിലും, ബുള്ളറ്റ് യാത്രികനായ രഞ്ജിത്തിനെ ഓമശ്ശേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ആരുടെയും നില ഗുരുതരമല്ല.
