താമരശ്ശേരി ഐഎച്ച്ആർഡി കോളേജിൽ മുഴുവൻ സീറ്റും നേടി എസ്എഫ്ഐ

​താമരശ്ശേരി: താമരശ്ശേരി ഐഎച്ച്ആർഡി കോളേജ് യൂണിയൻ തിരഞ്ഞെടുപ്പിൽ മുഴുവൻ സീറ്റുകളും നേടി എസ്എഫ്ഐ തകർപ്പൻ വിജയം . മത്സരിച്ച ഏഴ് ജനറൽ സീറ്റുകളിലും മികച്ച ഭൂരിപക്ഷം നേടിയാണ് എസ്എഫ്ഐ എതിരാളികളെ പിന്നിലാക്കിയത്. ആകെയുള്ള 15 സീറ്റിലാണ് എസ്എഫ്ഐ വിജയം നേടിയത്.

​ചെയർപേഴ്സണായി അഭിരാം വിനോദ് (263 വോട്ട്), വൈസ് ചെയർപേഴ്സണായി അശ്വിക അശോക് വി (231 വോട്ട്), ജോയിന്റ് സെക്രട്ടറിയായി അനൂശ്രീ കെ (232 വോട്ട്) എന്നിവർ തിരഞ്ഞെടുക്കപ്പെട്ടു.

​മറ്റു ഭാരവാഹികൾ: വിഷ്ണു സത്യൻ (യു.യു.സി - 288 വോട്ട്), അനന്തകൃഷ്ണൻ എം. നായർ (ഫൈൻ ആർട്സ് സെക്രട്ടറി - 237 വോട്ട്), സീതൾ കെ.പി (ചീഫ് സ്റ്റുഡന്റ് എഡിറ്റർ - 256 വോട്ട്), ഇഷാൽ നിയാസ് പി.എം (ജനറൽ ക്യാപ്റ്റൻ - 248 വോട്ട്).

​യൂണിവേഴ്സിറ്റി യൂണിയൻ കൗൺസിലറായി (UUC) വിജയിച്ച വിഷ്ണു സത്യനാണ് തിരഞ്ഞെടുപ്പിൽ ഏറ്റവും കൂടുതൽ വോട്ടും (288) ഏറ്റവും ഉയർന്ന ഭൂരിപക്ഷവും (243) നേടിയത്. വിജയാഹ്ളാദത്തിന്റെ ഭാഗമായി താമരശ്ശേരിയിൽ വിദ്യാർത്ഥികൾ പ്രകടനം നടത്തി.