സി പി ഐ എം നേതാവിനെ കൊലപ്പെടുത്താൻ ഗൂഡാലോചന; കൊടുവള്ളിയിൽ മുസ്ലിം ലീഗ് നേതാക്കൾക്കെതിരെ കേസെടുത്തു

സി പി ഐ എം താമരശ്ശേരി ഏരിയാ കമ്മിറ്റി അംഗം കെ ബാബു

കൊടുവള്ളി: സി പി ഐ എം നേതാവിനെ കൊലപ്പെടുത്താൻ ഗൂഡാലോചന നടത്തിയെന്ന പരാതിയിൽ കൊടുവള്ളിയിലെ മുസ്ലിം ലീഗ് നേതാക്കൾക്കെതിരെ കേസെടുത്തു.
സി പി ഐ എം താമരശ്ശേരി ഏരിയാ കമ്മിറ്റി അംഗം കെ ബാബുവിനെ വധിക്കാൻ ഗൂഡാലോചന നടത്തിയെന്ന പരാതിയിൽ മുസ്ലിംലീഗ് മുൻസിപ്പൽ കമ്മിറ്റി പ്രസിഡൻ്റ് വി കേ അബ്ദുഹാജി, സെക്രട്ടറി കെ കെ എ ഖാദർ, യൂത്ത് ലീഗ് സെക്രട്ടറി എം നസീഫ്, ക്വട്ടേഷൻ നേതാവ് കൊയിലാണ്ടി സ്വദേശി നബീൽ എന്നിവർക്കെതിരെയാണ് കേസെടുത്തത്.
മുൻ യൂത്ത് ലീഗ് നേതാവ് കോഴിശ്ശേരി മജീദിൻ്റ വെളിപ്പെടുത്തലിനെ തുടർന്നാണ് സംഭവം പുറത്തായത്. തുടർന്ന് കെ ബാബു പോലീസിൽ പരാതി നൽകുകയായിരുന്നു.