കൊവിഡ് ബാധിച്ച് ഗര്ഭിണിയായ യുവതി മരിച്ചു; ഓപ്പറേഷനിലൂടെ കുഞ്ഞിനെ പുറത്തെടുത്തു
എടത്വാ: കൊവിഡ് ബാധിച്ച് ഗര്ഭിണിയായ യുവതി മരിച്ചു. ഓപ്പറേഷനിലൂടെ ശിശുവിനെ പുറത്തെടുത്ത് ഡോക്ടര്മാര്. തലവടി ഇല്ലത്തുപറമ്പില് ഓമനക്കുട്ടന്-ബീന ദമ്പതികളുടെ മകളും ചെങ്ങന്നൂര് കൊല്ലക്കടവ് ചെരുവള്ളൂര് പാറപ്പുറത്ത് ശ്രീജിത്തിന്റെ ഭാര്യയുമായ പ്രിയങ്ക(26) ആണ് മരിച്ചത്. തിരുവല്ല ബിലീവേഴ്സ് ഹോസ്പിറ്റലില് ചികിത്സയിലിരിക്കെയാണ് മരണം.ഏഴ് മാസം ഗര്ഭിണിയായ പ്രിയങ്കയ്ക്ക് പനി വന്നതിനെ തുടര്ന്ന് സ്വകാര്യ ആശുപത്രിയില് ചികിത്സ തേടിയിരുന്നു. ഇവിടെ നിന്നും നടത്തിയ പരിശോധനയില് കോവിഡ് സ്ഥിരീകരിച്ചു. കൊവിഡ് ബാധിതയായ പ്രിയങ്കയുടെ തുടര് ചികിത്സക്കായി തിരുവല്ല ബിലീവേഴ്സ് ഹോസ്പിറ്റലിലേക്ക് മാറ്റി.
രോഗം മൂര്ശ്ശിച്ചതോടെ ഓപ്പറേഷനിലൂടെ കുട്ടിയെ പുറത്തെടുക്കാന് ആശുപത്രി അധികൃതര് അറിയിച്ചു. ബന്ധുക്കളുടെ സമ്മതപ്രകാരം ഓപ്പറേഷന് നടത്തി കുട്ടിയെ പുറത്തെടുത്തെങ്കിലും പ്രിയങ്കയുടെ ജീവന് രക്ഷിക്കാനായില്ല. നവജാത ശിശു വണ്ടാനം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തിലാണ്. പ്രിയങ്കയുടെ മതാവ് കൊവിഡ് ബാധയെ തുടര്ന്ന് ഹരിപ്പാട് സ്വകാര്യ ആശുപത്രിയില് ചികിത്സയിലാണ്.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്