ഡ്രൈവിംഗ് പരിശീലനത്തിനിടെ 18കാരിയോട് ലൈംഗിക അതിക്രമം; ഇന്സ്ട്രക്റ്റര് അറസ്റ്റില്
കോഴിക്കോട്:പേരാമ്പ്രയില് ഡ്രൈവിംഗ് പരിശീലനത്തിനിടെ ലൈംഗിക അതിക്രമം നടത്തിയെന്ന് യുവതി. യുവതിയുടെ പരാതിയില് ഇന്സ്ട്രക്റ്റര് അറസ്റ്റില്. പേരാമ്പ്ര സ്വാമി ഡ്രൈവിംഗ് സ്കൂളിലെ സ്വാമി നിവാസില് അനില്കുമാറിനെ (60) യാണ് എസ്ഐ ജിതിന് വാസ് അറസ്റ്റ് ചെയ്തത്.
18കാരിയാണ് തനിക്ക് ഉണ്ടായ ദുരവസ്ഥ കാണിച്ച് പേരാമ്പ്ര പൊലീസില് പരാതി നല്കിയത്. മെയ് ആറാം തീയതിയാണ് സംഭവം ഉണ്ടായത് . തുടര്ന്ന് 25-ാം തീയതിയും യുവതിക്ക് നേരെ ലൈംഗിക അതിക്രമം ഉണ്ടായതായി പരാതിയില് പറഞ്ഞു. അറസ്റ്റ് ചെയ്ത അനില്കുമാറിനെ പേരാമ്പ്ര കോടതിയില് ഹാജരാക്കി. ഇയാളെ 14 ദിവസത്തേക്ക് റിമാന്റ് ചെയ്തു.
