കന്നൂട്ടിപ്പാറ വിങ്ങ്സിൽ സ്പോർട്സ് ഡെ സംഘടിപ്പിച്ചു.

കട്ടിപ്പാറ : കന്നൂട്ടിപ്പാറ വിംഗ്സ് ഇംഗ്ലീഷ് മീഡിയം സ്കൂളിൽ ഈ വർഷത്തെ സ്പോർട്സ് ഡെ വിപുലമായ പരിപാടികളോടെ സംഘടിപ്പിച്ചു.കന്നൂട്ടിപ്പാറ ഐയുഎം എൽപി സ്കൂൾ ഹെഡ് മാസ്റ്റർ അബുലൈസ് തേഞ്ഞിപ്പലം പരിപാടി ഉദ്ഘാടനം ചെയ്തു. കൂടുതൽ ദൂരത്തേക്ക് ...കൂടുതൽ ഉയരത്തിലേക്ക് എന്ന ചിന്ത, കുരുന്നു പ്രായത്തിലേ കുട്ടികളിൽ ഊട്ടിയുറപ്പിക്കുവാൻ അധ്യാപകർ കഠിനമായി പരിശ്രമിക്കണമെന്ന് അദ്ദേഹം പറഞ്ഞു. ഗ്രേസ് എജ്യൂക്കേഷണൽ ട്രസ്റ്റ് ജനറൽ സെക്രട്ടറി അബ്ദുള്ള മലയിൽ അധ്യക്ഷം വഹിച്ചു. വിംഗ്സ് ഹെഡ് ടീച്ചർ പി സജീന ടീച്ചർ സ്വാഗതം പറഞ്ഞു.

   യെല്ലോ, റെഡ്, ബ്ലൂ എന്നിങ്ങനെ മൂന്ന് ഹൗസുകളായി മത്സരിച്ച പൊരിഞ്ഞ പോരാട്ടത്തിൽ 151 പോയന്റുകളോടെ യെല്ലോ ഹൗസ് ചാമ്പ്യൻമാരായി. 91 പോയന്റുകളോടെ റെഡ് ഹൗസ് രണ്ടാമതെത്തി. LKG വിദ്യാർത്ഥിനി മിൻഹ ഫാത്തിമ, UKG യിലെ മുഹമ്മദ് റയാൻ K K എന്നിവർ വ്യക്തിഗത ചാമ്പ്യന്മാരായി.

  വിജയികളെ വാർഡ് മെമ്പർ എ കെ അബൂബക്കർ കുട്ടി, നൗഷാദ് ആറ്റുസ്ഥലം,  ലിമ മുഹമ്മദ്, അലക്സ് മാത്യു, ഷഹനാ റൂബി മുതലായവർ അഭിനന്ദിച്ചു.

   ഷാഹിന കേയക്കണ്ടി, പി.ബി പ്രബിത, ഷാബിയ, സഫ്നിദ എ കെ , K.P മുഹമ്മദലി എന്നിവർ നേതൃത്വം നൽകി.