കന്നൂട്ടിപ്പാറ സ്കൂളിൽ പ്രവേശനോത്സവം തിങ്കളാഴ്ച

കട്ടിപ്പാറ : മലയോര ഗ്രാമങ്ങളുടെ വരദാനമായ കന്നൂട്ടിപ്പാറ ഐയുഎം എൽപി സ്കൂളിൽ ഈ അധ്യയന വർഷത്തെ പ്രവേശനോത്സവം ജൂൺ 3 തിങ്കളാഴ്ച രാവിലെ 9.30 മുതൽ പുതുമയാർന്ന പരിപാടികളോടെ ആഘോഷിക്കുമെന്ന് ചീഫ് പ്രമോട്ടർ എ കെ അബൂബക്കർ കുട്ടി, PTA പ്രസിഡണ്ട് നൗഷാദ് ആറ്റു സ്ഥലം, ഹെഡ്മാസ്റ്റർ അബുലൈസ് തേഞ്ഞിപ്പലം എന്നിവർ അറിയിച്ചു.

 കട്ടിപ്പാറ ഗ്രാമ പഞ്ചായത്ത് പ്രസിഡണ്ട് പ്രേംജി ജെയിംസ് പരിപാടിയുടെ ഉദ്ഘാടനം നിർവ്വഹിക്കും. പ്രമുഖ വ്യവസായിയും വിദ്യാഭ്യാസ- ജീവകാരുണ്യ പ്രവർത്തകനുമായ ഡോ. കെ.ടി അബ്ദുറഹിമാൻ മുഖ്യാതിഥിയായി പങ്കെടുക്കും. പ്രശസ്ത കൗൺസലറും മോട്ടിവേട്ടറുമായ പി.എം ആമിനക്കുട്ടി സെഷൻ നയിക്കും.

   വിദ്യയുടെ വിശാല ലോകത്തേക്കു പിച്ചവെച്ചു കടന്നു വരുന്ന കുഞ്ഞുങ്ങൾക്കായി വരവേൽപ്പ്, സമ്മാനമഴ, മധുരമഴ, കലാമേളം മുതലായ പ്രവർത്തനങ്ങൾ ആവിഷ്കരിച്ചിട്ടുണ്ട്.