ചക്രവാത ചുഴികൾ സജീവം; സംസ്ഥാനത്ത് വ്യാപക മഴ; കോഴിക്കോട് ഉൾപ്പെടെ 4 ജില്ലകളിൽ ഓറഞ്ച് അലർട്ട്

സംസ്ഥാനത്ത് ഇന്നും വ്യാപകമായി മഴ ലഭിക്കും. നാലു ജില്ലകളിൽ ഓറഞ്ച് അലർട്ടും പത്തു ജില്ലകളിൽ യെലോ അലർട്ടും നിലവിലുണ്ട്. ലക്ഷദ്വീപിന് സമീപവും വടക്കൻ തമിഴ് നാട്ടിലും നിലനിൽക്കുന്ന ചക്രവാത ചുഴികൾ മഴ തുടരാൻ കാരണമായിട്ടുണ്ട്. കൂടാതെ പടിഞ്ഞാറൻ കാറ്റും ശക്തി പ്രാപിച്ചു. മൺസൂൺ ആൻഡമൻ ദ്വീപ സമൂഹങ്ങളിൽ നിന്ന് ബംഗാൾ ഉൾക്കടലിന്റെ കൂടുതൽ ഭാഗങ്ങളിലേക്ക് എത്തും. 

24 നും 27 നും ഇടയിൽ തെക്കുപടിഞ്ഞാറൻ കാലവർഷം കേരളത്തിലെത്തുമെന്ന് കാലാവസ്ഥാ വകുപ്പ് അറിയിച്ചു.