ശബരിമല തീർഥാടകരുടെ വാഹനം കൊക്കയിലേക്ക് മറിഞ്ഞ് നാലു പേർ മരിച്ചു

ഇടുക്കി: ശബരിമല തീർഥാടകർ സഞ്ചരിച്ച വാഹനം കൊക്കയിലേക്ക് മറിഞ്ഞ് നാലു പേർ മരിച്ചു. തേക്കടി - കമ്പം ദേശീയപാതയിൽ കുമളിക്ക് സമീപം തമിഴ്നാട് അതിർത്തിയിലാണ് അപകടം.

തമിഴ്നാട്ടിൽനിന്നുള്ള തീർഥാടകരാണ് അപകടത്തിൽപെട്ടത്. ഒമ്പതുപേരും ഒരു കുട്ടിയുമാണ് വാഹനത്തിൽ ഉണ്ടായിരുന്നത്.

കുട്ടിയെ കുമളിയിലെ സ്വകാര്യ ആശുപത്രിയിലും ഗുരുതരമായി പരിക്കേറ്റ രണ്ടു പേരെ കമ്പത്തെ ആശുപത്രിയിലേക്കും മാറ്റിയെന്നാണ് വിവരം.